18.12.2025 | 22:20
Վթար Ներքին Դվին գյուղում․ կան տուժածներ
ՌԴ ԱԳՆ-ն հայտարարել է Մեծ Բրիտանիայի դեմ պատասխան քայլեր ձեռնարկելու մասին
Քաղաքականություն
15.03.2018 | 13:47
Անկասկած պատասխան քայլեր են նախատեսվում: Հիմա դրանք մշակման փուլում են և կընդունվեն մոտ ժամանակներս. ասել է ՌԴ ԱԳՆ պաշտոնական ներկայացուցիչ Մարիա Զախարովան՝ խոսելով Միացյալ Թագավորության գործողությունների առնչությամբ ՌԴ-ի պատասխան քայլերի մասին. փոխանցում է russian.rt.com-ը:
Հիշեցնենք, որ երեկ Մեծ Բրիտանիայի վարչապետ Թերեզա Մեյը հայտարարել էր, որ ՄԹ-ն «Սկրիպալի գործի» առնչությամբ 23 ռուս դիվանագետի կարտաքսի երկրից:
«Նրանք երկրից հեռանալու համար մեկ շաբաթ ժամանակ ունեն»,- հայտարարել էր Մեյը: Նրա խոսքով՝ վերջին 30 տարվա ընթացքում, դա ամենամեծ արտաքսումն է: «Սա արտացոլում է այն փաստը, որ ռուսական պետությունը առաջին անգամը չէ, որ գործում է մեր երկրի դեմ», – ասել էր նա:
Նշենք, որ ՌԴ հետախուզական գլխավոր վարչության նախկին աշխատակից Սերգեյ Սկրիպալը և նրա դուստր Յուլյան նյարդապարալիտիկ գազի ազդեցության են ենթարկվել անգլիական Սոլսբերի քաղաքի առևտրի կենտրոններից մեկում և անգիտակից վիճակում տեղափոխվել հիվանդանոց։
