18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
«Պրիվետ Ռոբ», «կոբրա», «մարդասպան», «մերժված». ՔՊ-ականը` «կապիտուլյանտ» ձևակերպմանն ի պատասխան․ ՏԵՍԱՆՅՈւԹ
Քաղաքականություն
11.08.2021 | 16:23
Ընդդիմությունն անում է ամեն ինչ, որպեսզի Ազգային ժողովի բնականոն աշխատանքները խաթարվեն և մեր երկրի, ինչպես նաև ժողովրդի առջև ծառացած խնդիրները մնան չլուծված: Այս մասին խորհրդարանի նիստում ասաց իշխող «Քաղաքացիական պայմանագիր» կուսակցության պատգամավոր Վաղարշակ Հակոբյանը:
Նրա խոսքով՝ «Հայաստան» խմբակցության ներկայացուցիչները փորձում են սեպ խրել ռազմավարական դաշնակցի հետ հարաբերություններում՝ վտանգելով մեր ժողովրդի անվտանգությունը:
Վաղարշակ Հակոբյանը խայտառակություն համարեց այն, որ ընդդիմությունը չի կարողանում համակերպվել ընտրություններում պարտության հետ և կարծիք հայտնեց, որ ընդդիմությունն ամեն ինչ անում է իր քաղաքական ավարտը մոտեցնելու համար:
«Այստեղ բանախոսներից մեկը բառեր ասաց, և նշեց, որ եթե այդ բառերից վիրավորվում ենք, կարող ենք դիմել դատարան: Մենք էլ կարող ենք ասել՝ եթե դուք վիրավորվում եք «պրիվետ, Ռոբ», «մարդասպան», «կոբրա» «մերժված» և այլ բառերից, դուք նույնպես կարող եք դիմել դատարան: Բայց խնդիրը դատարան դիմել-չդիմելու մեջ չէ: Մենք տեսանք, թե այսօր այստեղ ինչպես սադրանք կազմակերպվեց: Դրա պատասխանը դուք ստանալու եք… Ամեն մի լկտի պահվածք կստանա պատշաճ գնահատական, յուրաքանչյուր սադրանք կստանա պատշաճ գնահատական»,- ընդգծեց Հակոբյանը:
Մանրամասները՝ տեսանյութում:
