09.06.2026 | 14:04
ԳՇ պետը` բանակում մահվան դեպքերի մասին․ ՏԵՍԱՆՅՈՒԹ
Հաջորդ տարի կունենանք պոլիէթիլենային շշերին փոխարինող կենսաքայքայվող շշեր․ Ավետիս Վարոսյան. ՏԵՍԱՆՅՈՒԹ
Տնտեսություն
06.08.2021 | 14:04
Եթե մենք կարողանանք ինչպես սպառողների, այնպես էլ արտադրողների իրավագիտակցության մակարդակը բարձրացնել համապատասխան աստիճանի, մենք բավականին կարճ ժամանակահատվածում կարող ենք շուկայի 100 տոկոսը ծածկել և՛ բազմակի, և՛ մեկանգամյա օգտագործման տոպրակների մասով: Այս մասին մամուլի ասուլիսի ժամանակ նշեց «Յունիսթրիթ ինթերնեշնլ» հիմնադիր և գործադիր տնօրեն, գործարար, տնտեսագետ Ավետիս Վարոսյանը:
«Ավելին, մենք կարող ենք ծածկել բժշկական խալաթների, բժշկական ձեռնոցների, սավանների և բոլոր այն պատրաստի, վերջնական օգտագործման համար նախատեսված ապրանքների պահանջարկը, որտեղ օգտագործվում են ոչ հյուսվածքային կտորներ: Մեր ընկերությունն այս պահին աշխատում է նաև կենսաքայքայվող պլաստիկե շշերի փոխարինման ուղղությամբ և կարծում եմ, որ մյուս տարում մենք արդեն կունենանք պոլիէթիլենային շշերին փոխարինող կենսաքայքայվող շշեր, որոնք կկենսաքայքայվեն ջրի ջերմաստիճանի որոշակի պայմաններում»,- նշեց Վարոսյանը:
Նա նաև տեղեկացրեց նաև, որ իրենց ընկերության մյուս ուղղությունը ապակյա, պլաստիկե տարաներ ընդունող դիսպենսերների ներկրումն ու իրացումն է ՀՀ-ում, իսկ երրորդ ուղղությունը՝ սննդի վերամշակման ուղղությունն է:
«Առաջարկում ենք 15 կգ բեռնվածություն երաշխավորող բազմակի օգտագործման տոպրակ, որը կարող ես օգտագործել 15 անգամ կամ մեկ ամիս և դրա համար վճարել 700 դրամ»,-տեղեկացրեց Վարոսյանը:
Մանրամասները՝ տեսանյութում:
