02.05.2024 | 16:50
Մարդիկ մի օր զարթնել են, տեսել են պատգամավոր են․ չեն հասկացել, որ քաղաքացու քվեն պետք է ստանան․ ՏԵՍԱՆՅՈՒԹ
Գերմանիան կշարունակի Թուրքիայի նկատմամբ զենքի վաճառքի արգելքը
Քաղաքականություն
05.08.2021 | 16:38
Թուրքիայի նկատմամբ Գերմանիայի սահմանած ռազմական արտադրանքի արտահանման ոչ պաշտոնական արգելքը մնում է ուժի մեջ։ Պատճառը զենքի օգտագործման նպատակների հետ կապված մտահոգություններն են․գրում է Middle East Eye-ը։
Ըստ պարբերականի աղբյուրի՝ Թուրքիան մինչև հիմա չի բացատրել հարյուրավոր միավոր ռազմական ապրանքների օգտագործման նպատակը, որոնք նա ներկրել է Գերմանիայից։ Նշվում է՝ չնայած, որ Գերմանիան Թուրքիա զենքի մատակարարման պաշտոնական էմբարգո չի սահմանել, սակայն Անկարան հայտարարում է, որ Բեռլինը ոչ պաշտոնապես ռազմական նշանակության արտադրանքի արտահանման վրա արգելք է դրել։ Հունվարին Թուրքիայի արտգործնախարար Մևլութ Չավուշօղլուն ասել էր, որ իր գերմանացի գործընկերոջը ներկայացրել է ապրանքների ցուցակը, որոնք կարևոր նշանակություն ունեն Թուրքիայի պաշտպանունակության հարցում։
«Մենք կարիք ունենք հավելյալ տեղեկատվության այս խնդրանքների վերաբերյալ։ Մենք հարցեր ուղղել ենք , սակայն իմաստալից պատասխան չենք ստացել»,- ասել է եվրոպացի պաշտոնյան, որը խոսել է անանունության պայմանով։
«Երկու կողմերի միջև իմաստալից խոսակցություն չի եղել այս հարցով երկար ժամանակ։ Նրանք այնքան էլ բարեհամբույր չէին մեր զինվորականների նկատմամբ»,- ասել է պաշտոնյան։
Նա նշել է, որ Գերմանիան ցանկանում է իմանալ զենքի արտահանման նպատակները։ Նրանք ցանկանում են համոզված լինել, որ դրանք օգտագործվելու են Թուրքիայում, այլ ոչ թե այլ երկրներում, ինչպիսիք են Ադրբեջանն ու Լիբիան։
Եվրոպացի պաշտոնյան նաև ասել է, որ Գերմանիայի կառավարությունը այդ հարցով վերջնական որոշում կընդունի սեպտեմբերին կայանալիք խորհրդարանական ընտրություններից հետո։
Էմմա Չոբանյան
