24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
ՔՆՆԱՐԿՈւՄ․ Ցեղասպանությունը և Թուրքիայի հետ նորմալացման պրոցեսը․ ինչպե՞ս չհատելով կարմիր գծերը՝ հասնել կարգավորման
Հաղորդաշարեր
24.04.2025 | 20:00
Այսօր լրանում է Հայոց ցեղասպանության 110-րդ տարելիցը, և ողջ հայությունը ոգեկոչում է Օսմանյան Թուրքիայում տեղահանված և սպանված շուրջ 1․5 միլիոն հայերի հիշատակը։ Պաշտոնական Երևանը նշում է, որ Հայոց ցեղասպանության ճանաչման հարցը արտաքին քաղաքական օրակարգում առաջնահերթություն չէ: Միաժամանակ, Նիկոլ Փաշինյանի կառավարությունն ակնկալում է, որ Թուրքիան կվերացնի 32 տարի առաջ կիրառած պատժամիջոցը՝ կբացի ՀՀ հետ սահմանը, կհաստատի դիվանագիտական հարաբերություններ։
ՀՀ վարչապետի ուղերձներն այս թեմայով տարեցտարի հնչում են ցածր տոնայնությամբ։ Նա այս տարի նույնիսկ՝ դատապարտել է Թուրքիայի և Ադրբեջանի դրոշների այրումը Երևանում։ Բայց չնայած սրան՝ Ղարաբաղյան կոնֆլիկտը լուծված համարող Թուրքիան շարունակում է ՀՀ-ի հետ նորմալացումը կապել ՀՀ-Ադրբեջան խաղաղության համաձայնագրի ստորագրման հետ։
Ինչպե՞ս անել, որ մի կողմից Հայոց ցեղասպանության փաստը կասկածի տակ չդրվի և կարմիր գծեր չհատվեն, բայց մյուս կողմից՝ Թուրքիայի հետ հարաբերությունները նորմալացվեն․ մի իրավիճակ, որին, ի դեպ, ձգտել են ՀՀ բոլոր իշխանությունները։
Factor TV-ի տաղավարում հրավիրել ենք քննարկում, որին մասնակցում են պատմաբան Հայկ Դեմոյանը, թուրքագետ Նելլի Մինասյանը, արևելագետ, պատմական գիտությունների թեկնածու Գիորգի Միրզաբեկյանը, հասարակագետ, կրթության փորձագետ Սերոբ Խաչատրյանը, ռեժիսոր Ռուբեն Բաբայանը, կոմպոզիտոր, երգիչ Վահան Արծրունին։
Հաղորդումն ամբողջությամբ՝ տեսանյութում։
Ռոբերտ Անանյան
