Ստամբուլում ՌԴ-Ուկրաինա հնարավոր հանդիպմանն ընդառաջ Թուրքիայի ԱԳ նախարարը հեռախոսազրույցներ է ունեցել Ռուբիոյի, Լավրովի և Բարրոյի հետ

Լուրեր

19.11.2026 | 13:06
«Խոսրովի անտառ» արգելոցի ֆոտոթակարդները կրկին կովկասյան ընձառյուծ են արձանագրել
19.11.2026 | 12:57
Չինաստանում մեկնարկել է Թրամփի, Պուտինի և Սի Ցզինպինի եռակողմ հանդիպումը. ՏԵՍԱՆՅՈՒԹ
19.11.2026 | 12:50
Թրամփը նիրհել է ԱԽՏՀ գագաթնաժողովում Սի Ցզինպինի ելույթի ժամանակ․ ՏԵՍԱՆՅՈՒԹ
19.11.2026 | 12:41
Արմավիրի մարզում 25-ամյա տղամարդը օդաճնշիչ հրացանով պատահաբար կրակել է աներորդու վրա․ 24-ամյա երիտասարդը մահացել է
19.11.2026 | 12:30
Էդպես հեգնել եք լողով զբաղվելը, դրա համար մարզեր կան, որ լողավազան չունեն․ նախարարը՝ ընդդիմադիրներին․ ՏԵՍԱՆՅՈՒԹ
19.11.2026 | 12:25
Բռնցքամարտի Մ-23 ԵԱ. Վաղարշակ Քեյանը և Դավիթ Սիմոնյանը մեկնարկել են հաղթանակով. ՏԵՍԱՆՅՈՒԹ
19.11.2026 | 12:19
Նիկոլ Փաշինյանի ճեպազրույցը՝ ՈՒՂԻՂ
19.11.2026 | 12:16
Ուկրաինան հարվածել է Թաթարստանում նավթամղիչ կայանին
19.11.2026 | 12:10
Ալեն Սիմոնյանն Ադրբեջան կմեկնի // Փաշինյանն Ալիևի հետ անհետ կորածների հարց է քննարկել․ ԼՈՒՐԵՐ
19.11.2026 | 12:04
Ձեզ արձագանքի արժանացնելը մեծ պատիվ կլինի, Դուք էդ պատվին չեք արժանացել․ նախարարը՝ Էդգար Ղազարյանին․ ՏԵՍԱՆՅՈՒԹ
19.11.2026 | 11:55
Սահմանադրության փոփոխությունների հաջորդ օրը խաղաղության պայմանագիրը ստորագրվելու է. Ալեն Սիմոնյան․ ՏԵՍԱՆՅՈՒԹ
19.11.2026 | 11:51
Համաշխարհային ճանաչում ունեցող առնվազն 2 կատարողների համերգ կլինի ՀՀ-ում. մրցույթներ են հայտարարվել․ ՏԵՍԱՆՅՈՒԹ
19.11.2026 | 11:39
Հաջորդ ընտրությանը չեմ լինի վարչապետի թեկնածու, եթե հանրաքվեում Սահմանադրությունն անցնի․ Փաշինյան․ ՏԵՍԱՆՅՈՒԹ
19.11.2026 | 11:39
Ուկրաինայի ԶՈՒ-ն անուղղակիորեն հայտնել է Ղրիմի կամրջի երկաթուղային հատվածի ավերվելու մասին
19.11.2026 | 11:30
Հայաստանը հրավիրվել է մասնակցելու ԱՄՆ-ում կայանալիք G20-ի գագաթնաժողովին
Բոլորը

Թուրքիայի արտաքին գործերի նախարար Հաքան Ֆիդանը հեռախոսազրույցներ է ունեցել ԱՄՆ-ի, Ռուսաստանի և Ֆրանսիայի իր գործընկերների հետ՝ քննարկելու մայիսի 15-ին Ստամբուլում հնարավոր ռուս-ուկրաինական խաղաղության բանակցությունները։

Հաքան Ֆիդան-Մարկո Ռուբիո հեռախոսազրույցի մասին ԱՄՆ Պետքարտուղարության հաղորդագրության համաձայն՝ պետքարտուղարը շնորհակալություն է հայտնել  Անկարային Ռուսաստանի և Ուկրաինայի միջև ուղիղ բանակցություններ կազմակերպելու և խթանելու համար, նաև ողջունել անհապաղ հրադադարի հնարավորությունը։

«Պետքարտուղարը և արտգործնախարար Ֆիդանը նաև քննարկել են Անթալիայում կայանալիք ՆԱՏՕ-ի ոչ պաշտոնական նախարարական հանդիպումը և ԱՄՆ-Թուրքիա առևտրային և պաշտպանական կապերի ամրապնդման կարևորությունը»,-ասվում է հաղորդագրության մեջ։

Թուրքական լրատվամիջոցներն էլ, վկայակոչելով ԱԳՆ աղբյուրներին, հայտնում են, որ զրուցի ընթացքում քննարկվել են երկկողմ հարաբերություններին առնչվող և տարածաշրջանային հարցեր, այդ թվում՝ Սիրիային, Գազային և Ուկրաինային վերաբերող հարցեր։ Ֆիդանը շեշտել է Սիրիայի նկատմամբ պատժամիջոցների վերացման կարևորությունը նրա կայունության և բարգավաճման համար։ Ընդգծվել է ՀԱՄԱՍ-ի կողմից ԱՄՆ քաղաքացի Էդան Ալեքսանդրի ազատ արձակման կարևորությունը։

Մտքերի փոխանակում է տեղի ունեցել Ռուսաստանի և Ուկրաինայի միջև նախատեսված բանակցությունների վերաբերյալ։ Քննարկվել են նաև Թուրքիա Ռուբիոյի այցի մանրամասները։

Հիշեցնենք, որ Ռուբիոն մայիսի 14-16-ը կմեկնի Թուրքիա՝ Անթալիայում մասնակցելու ՆԱՏՕ-ի ԱԳ նախարարների ոչ պաշտոնական հանդիպմանը։

Ֆիդանը հեռախոսազրույց է ունեցել ՌԴ ԱԳ նախարար Սերգեյ Լավրովի հետ։ Ըստ թուրքական դիվանագիտական աղբյուրների՝ կողմերը քննարկել են Մոսկվայի ու Կիևի միջև խաղաղության միջնորդության վերջին դիվանագիտական ​​ջանքերը։

ՌԴ ԱԳՆ-ի հաղորդմամբ՝ Սերգեյ Լավրովը և Հաքան Ֆիդանը հեռախոսազրույցի ընթացքում քննարկել են մայիսի 15-ին Ստամբուլում ուկրաինական կարգավորման շուրջ ուղիղ բանակցություններ սկսելու հարցեր։

«Արտաքին քաղաքական գերատեսչությունների ղեկավարները քննարկել են Ռուսաստանի Դաշնության նախագահ Վլադիմիր Պուտինի՝ մայիսի 15-ին Ստամբուլում ուկրաինական կարգավորման շուրջ ուղիղ բանակցություններ սկսելու նախաձեռնությանը վերաբերող հարցեր»,- ասվում է հաղորդագրության մեջ։

Ֆիդանը և Ֆրանսիայի արտաքին գործերի նախարար Ժան-Նոել Բարրոն էլ հեռախոսազրույցի ժամանակ քննարկել են Ռուսաստան-Ուկրաինա խաղաղության բանակցությունների նախապատրաստական ​​աշխատանքները: Թուրքական աղբյուրները հայտնել են, որ կողմերը մտքեր են փոխանակել պատերազմը դադարեցնելու ուղղությամբ շարունակվող դիվանագիտական ​​ջանքերի վերաբերյալ։

Միաժամանակ, Թուրքիայի նախագահ Ռեջեփ Թայիփ Էրդողանը հայտարարել է, որ պատրաստ է հյուրընկալել բանակցությունները և կոչ է արել երկու կողմերին օգտվել «հնարավորության պատուհանից»՝ կարգավորման հասնելու համար։

Ուկրաինայի, Գերմանիայի, Ֆրանսիայի և Մեծ Բրիտանիայի առաջնորդները մայիսի 10-ին կոչ էին արել Ռուսաստանին դադարեցնել կրակը առնվազն 30 օրով՝ սկսած մայիսի 12-ից: Ի պատասխան՝ Ռուսաստանի նախագահ Վլադիմիր Պուտինն առաջարկել էր, որ Ուկրաինան մայիսի 15-ին Ստամբուլում ուղիղ բանակցություններ սկսի։ Ուկրաինան ու եվրոպացի առաջնորդները պնդում են, որ Ռուսաստանը նախ դադարեցնի կրակը, մինչդեռ ռուս պաշտոնյաներն առաջարկում են նախ բանակցություններ անցկացնել: ԱՄՆ նախագահ Դոնալդ Թրամփն իր հերթին նշել էր, որ Ուկրաինան պետք է անհապաղ համաձայնվի ՌԴ-ի հետ հանդիպման՝ Պուտինի առաջարկին։

Ուկրաինայի նախագահ Վլադիմիր Զելենսկին, իր հերթին, հայտարարել է, որ մայիսի 15-ին անձամբ է սպասելու Պուտինին Ստամբուլում և ակնկալում է մայիսի 12-ից լիակատար հրադադար սկսել։

Axios-ն էլ հայտնել էր, որ Զելենսկին կմեկնի Ստամբուլ՝ բանակցությունների, նույնիսկ եթե Պուտինը հրաժարվի մայիսի 12-ին դադարեցնել կրակը։

Թարգմանությունը՝ Էմմա Չոբանյանի