12.01.2026 | 12:53
Բոլորը պահանջում են արդարություն ու արդարադատություն, իսկ ի՞նչ են դրանք․ Նիկոլ Փաշինյան․ ՏԵՍԱՆՅՈՒԹ
Սահմանագծի երկայնքով երբեմն արձանագրվում են անկանոն, ոչ թիրախային կրակոցներ․ ՊՆ
Քաղաքականություն
13.05.2025 | 11:36
Հայաստան-Ադրբեջան սահմանագծի երկայնքով երբեմն արձանագրվում են անկանոն, ոչ թիրախային կրակոցներ։ ՊՆ մամուլի խոսնակ Արամ Թորոսյանը Factor.am-ի հետ զրույցում հաստատեց տեղեկությունը։
«Հրադադարի ինտենսիվ, էական կամ, այլ կերպ ասած, նպատակային կամ թիրախային խախտումների դեպքում հանդես ենք գալիս պաշտոնական հաղորդագրություններով»,- հավելեց Թորոսյանը։
Նշենք, որ տավուշցի լրագրող Ոսկան Սարգսյանը ֆեյսբուքյան գրառմամբ պնդել է, որ Բերդ համայնքի Մովսես գյուղի բնակիչները կրակոցների ձայներ են լսել։
Հիշեցնենք՝ մայիսի 9-ի գիշերը Ադրբեջանի ԶՈւ ստորաբաժանումները կրակ էին բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել էր բնակելի տան տանիքը։ Այս մասին Պաշտպանության նախարարությունը հայտարարություն էր տարածել։
Արփի Հակոբյան
