19.11.2024 | 14:16
Չունենք բավարար քանակի հետազոտություններ, որոնք տնտեսության զարգացմանը նպաստեն․ ԲՈԿ նախագահ․ ՏԵՍԱՆՅՈՒԹ
Փաշինյանի ստորաբաժանումը Ապրիլյան պատերազմում մարտական գործողությունների չի մասնակցել․ Սեյրան Օհանյան. ՏԵՍԱՆՅՈՒԹ
Քաղաքականություն
04.08.2021 | 15:09
Նիկոլ Փաշինյանի գլխավորած ստորաբաժանումն Ապրիլյան պատերազմի ժամանակ կոնկրետ մարտական գործողությունների չի մասնակցել. մասնակցել են որոշակի ապահովման և ինժեներական ապահովման աշխատանքների, դա չի հաշվվում մարտական գործողությունների մասնակից: Ազգային ժողովի 8-րդ նստաշրջանի այսօրվա նիստի ժամանակ այս մասին հայտարարեց «Հայաստան» խմբակցության ղեկավար, ՀՀ պաշտպանության նախկին նախարար Սեյրան Օհանյանը` պատասխանելով «Հայաստան» դաշինքի պատգամավոր Արեգնազ Մանուկյանի հարցին, թե ի վերջո Փաշինյանը և նրա թիմակիցները մասնակցե՞լ են Ապրիլյան պատերազմի մարտական գործողություններին:
«Ինժեներական աշխատանքներ են կատարել, ինչի համար բանակի հրամանատարությունը գնահատել է և պատվոգիր է տրվել: Այդ պատվոգիրը հիմա իմ կողմից արդեն ստորագրված է։ Այդ ստորագրությունը հո հետ չե՞մ վերցնելու»,- ասաց Սեյրան Օհանյանը։
ԱԺ նիստերի դահլիճում մթնոլորտը կրկին լարվեց, երբ Արեգնազ Մանուկյանը Սեյրան Օհանյանից հետաքրքրվեց. «Ի՞նչ եք կարծում, ինչու՞ էին Նիկոլենք անընդհատ գլուխ գովում, թե մասնակցել են բուն գործողություններին»։
Իշխանական պատգամավորները տեղից սկսեցին խոսել, ինչին ի պատասխան՝ Արեգնազ Մանուկյանը հորդորեց. «Սովորե՛ք լսել ճշմարտությունը»:
ԱԺ նախագահ Ալեն Սիմոնյանն էլ հորդորեց ընդդիմադիր պատգամավորին կոռեկտ արտահայտվել. «Վարչապետին անունով, անունը ձևափոխելով կամ որևիցե այլ կերպ դիմելու պարագայում ես կկիրառեմ կարգապահական տույժ։ Ընդհանրապես բոլորն այս դահլիճում կոռեկտ պետք է լինեն»,- ասաց Ալեն Սիմոնյանը։
Մանրամասները՝ տեսանյութում:
