15.02.2026 | 15:11
Օդի ջերմաստիճանը փետրվարի 16-23-ը կանխատեսվում է նորմայից բարձր․ Լևոն Ազիզյան
Չենք կարող բացառել, որ կարձանագրվեն սիբիրյան խոցի դեպքեր. Վահե Դանիելյան. ՏԵՍԱՆՅՈՒԹ
Տեսանյութեր
04.08.2021 | 12:55
Տեսականորեն չենք կարող բացառել, որ կարձանագրվեն սիբիրյան խոցի դեպքեր: Այս մասին այսօր հրավիրված ասուլիսում նշեց ՍԱՏՄ սննդամթերքի անվտանգության վարչության պետ Վահե Դանիելյանը:
«Այս պահին սիբիրյան խոցի օջախը մեկուսացված է, և չեն գրանցվել հիվանդացության նոր դեպքեր թե՛ մարդկանց մոտ, թե՛ կենդանիների:
Սակայն չենք կարող բացառել, որ կգրանցվեն նոր դեպքեր, որովհետև նախկինում ևս հանրապետությունում եղել են այլ տարածքներ, որտեղ գրանցվել են դեպքեր, և այս տարվա երաշտով պայմանավորված՝ այդ ռիսկն ավելի է մեծացել»,- նշեց Դանիելյանը:
Նրա հավաստմամբ՝ պետությունն ամեն տարի միջոցներ է հատկացնում կենդանիների պարտադիր վակցինավորման համար հենց սիբիրյան խոց հիվանդության դեմ. «Բայց ցանկացած պատվաստանյութ 100 տոկոսանոց արդյունք չի տալիս, և այդ ռիսկը միշտ կա»:
Դանիելյանը հավելեց, որ վարչության տեսուչներն իրականացնում են վերհսկողություն վակցինավորման միջոցառումների նկատմամբ, թե որքանով են իրականացվել, ամբողջական ծավալով են իրականացվել, թե ոչ: «Մեր կողմից արձանագրված թերությունները ներկայացվում են թե՛ էկոնոմիկայի նախարարությանը, թե՛ կառավարությանը»,- նշեց սննդամթերքի անվտանգության վարչության պետը:
Մանրամասները՝ տեսանյութում:
