15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
«Երազախաբ». Դաշնակցության վաղեմի երազանքն անկատար կմնա նաև ապրիլի 9-ից հետո. «Ժամանակ»
09.03.2018 | 09:47
«Ժամանակ» թերթը գրում է.
Դաշնակցության վաղեմի երազանքը շարունակելու է անկատար մնալ նաեւ ապրիլի 9-ից հետո, երբ կձեւավորվի նոր կառավարությունը:
Խոսքը ուժային կառույցների կամ դրանցից որեւէ մեկի վրա վերահսկողություն հաստատելու Դաշնակցության 25-ամյա երազանքի մասին է:
Ապրիլի 9-ից հետո Հայաստանը կանցնի կառավարման այն համակարգին, որի քարոզիչը ՀՅԴ-ն է, սակայն ՀՅԴ-ի իրական ազդեցությունը կառավարման համակարգում ոչ թե կավելանա, այլ էականորեն կնվազի:
Խնդիրն այն է, որ երկրում ամենակարեւոր հարցերը, այդ թվում եւ պաշտպանության բնագավառին վերաբերողները լուծվելու են Անվտանգության խորհրդում:
Կառավարությունը, մեծ հաշվով, դառնում է Անվտանգության խորհրդին կից կառույց, որովհետեւ կառավարությունում քննարկվելու են ավելի շուտ երկրորդական բնույթի հարցեր:
Մինչդեռ Դաշնակցությունը լինելով, այսպես կոչված, կառավարող կոալիցիայի անդամ եւ ներկայացված լինելով կառավարությունում՝ ներկայացված չի լինելու Անվտանգության խորհրդում, այսպիսով դուրս մնալով իրական որոշումների կայացմանը մասնակցելու իրավունքից:
Առավել մանրամասն՝ թերթի այսօրվա համարում:
