24.08.2026 | 12:44
Միջազգային խաղացողները մեր նահատակների մասունքներով իրար գլխի բամփում են, բայց մեր գլուխն է ցավում․ ՏԵՍԱՆՅՈՒԹ
Թուրքիայում անտառային հրդեհների հետևանքով ավելի քան 400 մարդ է տուժել
Քաղաքականություն
31.07.2021 | 18:37
Թուրքիայում անտառային հրդեհներից տուժած առնվազն 400 մարդ դուրս է գրվել հիվանդանոցներից անհրաժեշտ բժշկական օգնություն ցուցաբերելուց հետո։ Այս մասին շաբաթ հայտնել է Թուրքիայի առողջապահության նախարար Ֆահրեթթին Քոջան:
«Անտառային հրդեհների հետևանքով տուժել է 410 մարդ, որոնցից 400-ը դուրս են գրվել», – Twitter-ի իր էջում գրել է Քոջան։
Թուրքիայի իշխանությունները հետաքննում են երկրի հարավում մոլեգնող անտառային հրդեհների պատճառները, դիտարկվում է նաև հրկիզումների վարկածը։
Թուրքիան արդեն չորրորդ օրն է՝ պայքարում է լայնամասշտաբ անտառային հրդեհների դեմ։ Թուրքիայի նախագահը երկրում անտառային հրդեհներից տուժած շրջաններն աղետի գոտի է հայտարարել: Al Jazeera-ի փոխանցմամբ՝ Թուրքիայում անտառային հրդեհներն անկառավարելի են դառնում: Հազարավոր հրշեջներ միացել են հրդեհաշիջման աշխատանքներին:
Թուրքիայի՝ Միջերկրական ու Էգեյան ծովերի ափերին գտնվող 17 շրջաններում արձանագրվել է կրակի մոտ 70 օջախ: Բնական աղետի հետևանքով մահացել է չորս մարդ, սակայն մտավախություն կա, որ զոհերի թիվը կավելանա: Կան բազմաթիվ վիրավորներ: Աղետի գոտում իրականացվում է բնակիչների ու զբոսաշրջիկների տարհանում:
