06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Էրդողանը հայտնել է Թուրքիայում անտառային հրդեհների հնարավոր պատճառը
Քաղաքականություն
31.07.2021 | 18:02
Թուրքիայի իշխանությունները հետաքննում են երկրի հարավում մոլեգնող անտառային հրդեհների պատճառները, դիտարկվում է նաև հրկիզումների վարկածը։ «ՌԻԱ Նովոստի»-ի փոխանցմամբ՝ հայտարարել է Թուրքիայի նախագահ Ռեջեփ Էրդողանը:
«Մենք մանրակրկիտ հետաքննում ենք հրդեհների պատճառները։ Եթե կան այնպիսի դավաճաններ, որոնք կարող են այրել սեփական հայրենիքը, նրանք ամենախիստ պատիժը կկրեն», – ասել է Էրդողանը՝ ելույթ ունենալով Անթալիայի ճգնաժամային կենտրոնում։
Թուրքիան արդեն չորրորդ օրն է՝ պայքարում է լայնամասշտաբ անտառային հրդեհների դեմ։
Թուրքիայի նախագահը երկրում անտառային հրդեհներից տուժած շրջաններն աղետի գոտի է հայտարարել:
Al Jazeera-ի փոխանցմամբ՝ Թուրքիայում անտառային հրդեհներն անկառավարելի են դառնում: Հազարավոր հրշեջներ միացել են հրդեհաշիջման աշխատանքներին:
Թուրքիայի՝ Միջերկրական ու Էգեյան ծովերի ափերին գտնվող 17 շրջաններում արձանագրվել է կրակի մոտ 70 օջախ: Բնական աղետի հետևանքով մահացել է չորս մարդ, սակայն մտավախություն կա, որ զոհերի թիվը կավելանա: Կան բազմաթիվ վիրավորներ: Աղետի գոտում իրականացվում է բնակիչների ու զբոսաշրջիկների տարհանում:
