31.07.2026 | 13:29
Նարեկ Կարապետյանի առանձնատան խուզարկությունն ավարտվել է, ոչինչ չեն տարել. Դավիթ Ղազինյան․ ՏԵՍԱՆՅՈՒԹ
Հայիթին ժամանակավորապես կղեկավարի երկրի Սենատի խոսնակը
Քաղաքականություն
10.07.2021 | 13:29
Հայիթիի Սենատը որոշում է կայացրել իր խոսնակ Ժոզեֆ Լամբերտին նշանակել երկրի ժամանակավոր նախագահ՝ սպանված Ժովենել Մոիզայի փոխարեն, ասվում է Սենատի շրջանառության մեջ դրված բանաձևի մեջ:. տեղեկացնում է interfax-ը:
Նշվում է, որ Լամբերտը, որպես ժամանակավոր նախագահ, երդվելու է խորհրդարանում: Ներկայումս երկիրը ղեկավարում է վարչապետի պաշտոնակատար Կլոդ Ժոզեֆը:
Հայիթիի իշխանությունները ԱՄՆ-ին խնդրել են օգնել նախագահ Մոիզայի սպանության հանգամանքների հետաքննությամբ, ինչպես նաև զորք ուղարկել նախագահի սպանությունից հետո երկրի առանցքային ենթակառուցվածքները պաշտպանելու համար՝ հաղորդում է The New York Times-ը:
Հայիթիի իշխանությունները նման խնդրանքով դիմել են նաև ՄԱԿ-ին:
Ըստ Reuters գործակալության՝ ԱՄՆ-ը ներկայումս չի ծրագրում ռազմական օգնություն տրամադրել Հայիթիին: Սպիտակ տան խոսնակն ասել է, որ Միացյալ Նահանգները ՀԴԲ-ի և ներքին անվտանգության նախարարության բարձրաստիճան պաշտոնյաներին անհապաղ կուղարկի Պորտ-օ-Պրենս՝ որոշելու՝ ինչպես օգնել Հայիթիին:
