15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Քննարկվել է ԵՏՄ միասնական էլեկտրաէներգետիկական շուկայի մասին համաձայնագիրը
Տնտեսություն
02.03.2018 | 19:34
ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը մարտի 1-ին Մոսկվայում մասնակցել է Եվրասիական տնտեսական միության անդամ պետությունների էներգետիկայի բնագավառի լիազոր մարմինների ղեկավարների խորհրդակցությանը:
Քննարկվել է Եվրասիական տնտեսական միության միասնական էլեկտրաէներգետիկական շուկայի մասին համաձայնագիրը: Խորհրդակցության մասնակիցները կարծիքներ են փոխանակել համաձայնագրի խնդրահարույց դրույթների շուրջ, հստակեցվել են առանձին պետությունների մոտեցումները:
Քննարկված բոլոր հարցերի շուրջ ձեռք են բերվել հստակ պայմանավորվածություններ:
Խորհրդակցության շրջանակներում նախարար Մանուկյանն առանձնազրույցներ է ունեցել Եվրասիական տնտեսական միության էներգետիկայի և ենթակառուցվածքների գծով Կոլեգիայի անդամ (նախարար) Էմիլ Կայկիևի, ՌԴ էներգետիկայի փոխնախարար Վյաչեսլավ Կրավչենկոյի, Ղրղզստանի արդյունաբերության, էներգետիկայի և ընդերքօգտագործման պետական կոմիտեի նախագահ Ուլանբեկ Ռիսկուլովի հետ:
Բելառուսի էներգետիկայի փոխնախարար Վադիմ Զակրևսկու հետ առանձնազրույցի ընթացքում քննարկվել են էլեկտրաէներգետիկական և գազի միասնական շուկաների ձևավորման հիմնական խնդիրները, երկու երկրների կառավարությունների մոտեցումներն ու գնագոյացման մեխանիզմները:
