31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
ՍԴ-ում 3 դիմում է գրանցվել ԱԺ ընտրությունների արդյունքները անվավեր ճանաչելու պահանջով. խոսնակ
Քաղաքականություն
02.07.2021 | 16:36
Սահմանադրական դատարանի խոսնակ Եվա Թովմասյանը ֆեյսբուքյան գրառմամբ տեղեկացնում է, որ ՍԴ-ում 3 դիմում է գրանցվել ԱԺ ընտրությունների արդյունքները անվավեր ճանաչելու պահանջով:
«2021 թվականի հուլիսի 2-ին Սահմանադրական դատարանում գրանցվել է ԱԺ արտահերթ ընտրություններին մասնակցած «Հայոց հայրենիք» կուսակցության դիմումը՝ 2021 թվականի հունիսի 20-ին տեղի ունեցած արտահերթ խորհրդարանական ընտրությունների արդյունքները անվավեր ճանաչելու պահանջով։
Այսօր Սահմանադրական դատարանում գրանցվել է նաև արտահերթ խոհրդարանական ընտրություններին մասնակցած «Հայաստան» դաշինքի դիմումը և «Զարթոնք» կուսակցության դիմումը։
Ժամը 16։15-ի դրությամբ՝ ընտրությունների արդյունքների հետ կապված այլ դիմումներ չեն ներկայացվել»։
Նշենք, որ նույն պահանջով ՍԴ դիմելու մտադրության մասին է հայտնել նաև «Պատիվ ունեմ» դաշինքը:
