Քաղաքականություն
28.02.2018 | 18:24
ՀԱԿ-ի «Մարտի 1-ի» դեպքերին նվիրված հանահավաք-երթին կմասնակցի նաև «Ժառանգություն» կուսակցությունը։ Այս մասին Factor.am-ի հետ զրույցում ասաց կուսակցության վարչության նորընտիր նախագահ Արմեն Մարտիրոսյանը:
«Լինելու ենք Ազատության հրապարակում, որովհետև «Ժառանգություն» կուսակցությունը 2008 թվականին՝ 10-ը տարի առաջ ևս հրապարակում էր։ Մենք մեր քաղաքացիների հետ ենք եղել միշտ և վաղն էլ կլինենք»,- նշեց Մարտիրոսյանը։
«Ժառանգություն» կուսակցության վարչության նախագահը դժվարացավ ասել՝ Րաֆֆի Հովհաննիսյանը կմասնակցի՞ հանրավաքին, թե՞ ոչ, նա, սակայն, չբացառեց ՀԱԿ-ի հետ հետագա հնարավոր քաղաքական համագործակցությունը:
«Հետագայի համար որևէ բան բացառել չեմ կարող, քանի որ անցյալում համագործակցության դեպքեր եղել են, առաջին դեպքը չի լինի»,- եզրափակեց նա։
Նշենք, որ վաղը ՀԱԿ-ի հանրահավաքը կմեկնարկի 18․00-ին, նախատեսվում է նաև երթ Երևանի փողոցներով։
Լիլիթ Շաբոյան
