17.09.2026 | 11:51
«Ասում ա՝ ղարաբաղցի ա ու տուն ունի, ոնց ես կարողացել փստցնես»․ Կարապետյանը՝ Փաշինյանի ելույթի մասին․ ՏԵՍԱՆՅՈՒԹ
ԱՀԿ-ն հավանություն է տվել երեխաների համար Pfizer/BioNTech ընկերության պատվաստանյութերի կիրառմանը
Քաղաքականություն
24.06.2021 | 12:06
Առողջապահության համաշխարհային կազմակերպության փորձագետների ռազմավարական խորհրդատվական խորհուրդը հանգել է եզրակացության, որ Pfizer-ի և BioNTech-ի կորոնավիրուսի դեմ պատվաստանյութը հարմար է 12 և բարձր տարիքի երեխաների համար, գրում է ՌԻԱ Նովոստին:
«ԱՀԿ-ի փորձագետների ռազմավարական խորհրդատվական խումբը եզրակացրել է, որ Pfizer/BionTech պատվաստանյութը հարմար է 12 և ավելի բարձր տարիքի երեխաների պատվաստման համար: Բարձր ռիսկային խմբում գտնվող 12-ից 15 տարեկան երեխաներին կարող է առաջարկվել այս պատվաստանյութը՝ պատվաստման ենթակա այլ առաջնային խմբերի հետ միասին»,- ասված է ԱՀԿ նորացված խորհրդատվությունում:
Հիշեցնենք՝ Pfizer/BioNTech ընկերության պատվաստանյութը դեղերի եվրոպական գործակալության կողմից մայիսի վերջին թույլատրվել է օգտագործել 12 տարեկանից բարձր անձանց համար: Դեռևս հունիսի 1-ից Իտալիայում և Ռումինիայում սկսվել էր դեռահասների պատվաստումը։
