27.11.2024 | 17:32
Նոր պաշտոնանկություններ և նշանակում Կառավարությունում
Եվրոպան սկսում է անչափահասների պատվաստումը Covid-19-ի դեմ
Քաղաքականություն
03.06.2021 | 22:53
Եվրոպան սկսում է անչափահասների պատվաստումը: Pfizer / BioNTech ընկերության պատվաստանյութը դեղերի եվրոպական գործակալության կողմից մայիսի վերջին թույլատրվել է օգտագործել 12 տարեկանից բարձր անձանց համար: Դեռ հունիսի 1-ից Իտալիայում և Ռումինիայում սկսվել է դեռահասների պատվաստումը, գրում է Euronews-ը:
Ֆրանսիայում հունիսի 15-ից նրանք կկարողանան պատվաստվել՝ ծնողների համաձայնությամբ: Այս մասին չորեքշաբթի օրը հայտարարել է նախագահ Էմանուել Մակրոնը: Առողջապահության նախարար Օլիվիե Վերանի կարծիքով՝ դեռահասների պատվաստումը պարտադիր չի լինի, չնայած դա կարող է նպաստել կոլեկտիվ իմունիտետի ձևավորմանը: Ֆրանսիայում կորոնավիրուսի դեմ պատվաստումները նոր թափ են հավաքում: Յուրաքանչյուր երկրորդ ֆրանսիացի չափահասն արդեն պատվաստվել է առաջին դեղաչափով:
Բայց դեռահասների պատվաստման անհրաժեշտությունը շատ երկրներում կասկածի տակ է դրվում, այդ թվում ՝ Ռումինիայում. «Որքան ես եմ հասկանում, կորոնավիրուսային վարակը երեխաների համար այնքան էլ վտանգավոր չէ: Հետեւաբար, ես կարծում եմ, որ անհրաժեշտ չէ նրանց պատվաստել »:
«Ծնողները պետք է իմանան, որ պատվաստանյութն անվտանգ է երեխաների համար, ինչպես և մեծահասակների համար։ 12-15 տարեկանների տարիքային խմբում պատվաստանյութի արդյունավետությունն 100-տոկոսանոց է։ Ավելի պարզ ասած, պատվաստումից հետո դուք չեք հիվանդանա»,- պարզաբանում է բժիշկ Սանդրա Ալեկսիուն։
Տաթև Ֆռանգյան
