24.04.2026 | 13:48
Արման Ծառուկյան․ RAF-ի աշխատավարձը մոտենում է UFC-ի հոնորարներին
Լեգենդներ են հորինել, թե ես, իբր, անկլավներ կամ տարածքներ էի տալիս․ Փաշինյան. ՏԵՍԱՆՅՈՒԹ
Քաղաքականություն
11.06.2021 | 17:22
«Նոյեմբերի 9-ից հետո ամենաշատ շահարկված թեմաներից մեկը կապված էր Նոյեմբերյանի հետ, լեգենդներ էին հորինում, թե ես իբր թե ստորագրում էի թղթեր՝ անկլավ կամ ինչ-որ տարածքներ էի տալիս»,- այսօր Տավուշի մարզում նախընտրական հանդիպման ժամանակ ասաց վարչապետի պաշտոնակատար Նիկոլ Փաշինյանը:
«Ասում էին, որ ինչ-որ մարդիկ եկան, վերջին պահին ձեռքիցս բռնեցին։ Դրանք բոլորը հեքիաթ են։ Այստեղ առնվազն երկու մարդ կա, ովքեր անձամբ ներկա են եղել բոլոր խոսակցություններին, ով ինչ էր ասում, ով էր ասում՝ պետք է ստորագրել, ով էր ասում՝ ոչ մի դեպքում չի կարելի ստորագրել, ոնց եղավ, որ էդ կետը մենք էդ փաստաթղթից հանեցինք։ Եվ էլի այլ դրվագներ մենք էդ փաստաթղթից հանեցինք»,- ասաց Փաշինյանը։
Նա նաև հավելեց, որ իր վրա է վերցրել պատասխանատվությունը և ստորագրել է նոյեմբերի 9-ի փաստաթուղթը. «Պայքարել ենք մինչև այն կետը, երբ իմաստ ուներ պայքարել, այն պահին, երբ որ տեսել ենք, որ շարունակելը չունի հիմավորումներ, դադարեցրել ենք պրոցեսը»,- ասաց Փաշինյանը:
Մանրամասները՝ տեսանյութում:
