07.02.2026 | 00:13
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Ալեքսեյ Նավալնիի մերձավոր Իվան Ժդանովի նկատմամբ դաշնային հետախուզում է հայտարարվել
Քաղաքականություն
11.06.2021 | 16:41
Ռուսաստանի ՆԳՆ-ն հայտարարել է, որ Ալեքսեյ Նավալնիի մերձավոր Իվան Ժդանովի նկատմամբ դաշնային հետախուզում է հայտարարվել։ Այս մասին հայտնում է BBC-ի ռուսական ծառայությունը։
Ժդանովը նույնպես հետախուզման մասին հրապարակում է արել «Ինստագրամում»՝ գրելով, որ չգիտի, թե ինչով է պայմանավորված այդ որոշումը։ Ժդանովը որպես տնօրեն ղեկավարել է Ալեքսեյ Նավալնիի կոռուպցիայի դեմ պայքարի հիմնադրամը, որը ճանաչվել է ծայրահեղական կազմակերպություն և արգելվել, իսկ դրանից առաջ մտցվել է այն կազմակերպությունների ցուցակում, որն իրականացնում է օտարերկրյա գործակալի գործառույթ։
«Կոռուպցիայի դեմ պայքարի հիմնադրամը ծայրահեղական ճանաչելուց երկու օր չանցած՝ իմ նկատմամբ հետախուզում է հայտարարվել»,- գրել է Ժդանովը։
Նա ենթադրություն է հայտնել, որ հետախուզումը կարող է կապված լինել «այն տասնյակ քրեական գործերով, որոնք հարուցվել են իր հանդեպ»։
«Թե դրանցից որ մեկով է հայտարարվել, դժվար է ասել։ Հենց նոր իմ փաստաբան Վլադիմիր Վորոնինին չեն թույլատրել ծանոթանալ ՔՕ 239 հոդվածով իմ դեմ հարուցված գործին»,- գրել է Նավալնիի մերձավորը։
