14.10.2026 | 20:10
Ինչ են խոսել անկլավների մասին․ Փաշինյանը բացահայտում է Ալիևի հետ Թուրքմենստանում շփման թեման. ՏԵՍԱՆՅՈՒԹ
Թուրքիայի պահանջով Չեխիայում քուրդ գործիչ է ձերբակալվել
Քաղաքականություն
26.02.2018 | 15:46
Փետրվարի 25-ին Պրաhայում կալանավորվել է Թուրքիայի կողմից ահաբեկիչ համարվող Սիրիայի քրդական «Ժողովրդավարական միություն կուսակցության» (ԺՄԿ-PYD) նախկին համանախագահ Սալիհ Մուսլիմը. տեղեկացնում է EH-ն:
Թուրքիայի արդարադատության և ներքին գործերի նախարարությունն այժմ նյութեր է պատրաստում քուրդ քաղաքական գործչի արտահանձնման համար։
Թուրքիան փետրվարի 13-ին Սալիհ Մուսլիմին ընդգրկել էր հետախուզման մեջ գտնվող հանցագործների «կարմիր ցուցակում»: Թուրքիան 4մլն թուրքական լիրա (մոտ 1մլն դոլար) էր խոստացել այն կողմին, ով կձերբակալեր քուրդ քաղաքական գործչին։
Թուրքական աղբյուրները պնդում են, որ Մուսլիմը կալանավորվել է Թուրքիայի պահանջով։ Գործողությունը իրականացվել էր Ինտերպոլի միջոցով։
Թեմային է արձագանքել նաև Թուրքիայի նախագահ Ռեջեփ Թայիփ Էրդողանը։ Վերջինս Չեխիայի իշխանություններից պահանջել է անհապաղ Մուսլիմին արտահանձնել իրենց։
