03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Ո՞ր դեպքում տեղի կունենա ԱԺ ընտրությունների երկրորդ փուլ
Քաղաքականություն
11.06.2021 | 14:52
ԱԺ արտահերթ ընտրությունների երկրորդ փուլ տեղի կունենա, եթե որևէ ուժ խորհրդարանում չունենա մանդատների 50 տոկոսից ավելին, ինչը ենթադրում է 105 մանդատից առնվազն 53-ը։ Այդ դեպքում 6 օրվա ընթացքում առավելագույնը 3 ուժեր կարող են կազմել կոալիցիա, բայց եթե այդ դեպքում էլ չապահովեն մանդատների 50 տոկոսից ավելին, ապա Հայաստանում տեղի կունենա ընտրությունների երկրորդ փուլ։
Իսկ այն կուսակցություններն ու դաշինքները, որոնք առաջին փուլի ժամանակ կհաղթահարեն համապատասխանաբար ընտրողների 5 և 7 տոկոսի շեմերը, անկախ երկրորդ փուլի արդյունքներից՝ կստանան իրենց մանդատները։ Երկրորդ փուլին կմասնակցեն առավելագույն ձայներ հավաքած 2 քաղաքական ուժերը։ Երկրորդ փուլում հաղթած ուժը կստանա այնքան լրացուցիչ մանդատ, որպեսզի ունենա ԱԺ տեղերի 54 տոկոսը։
Իրինա Մկրտչյան
