20.05.2026 | 11:18
ԱՄՆ Սենատն առաջ է մղել Իրանի պատերազմում Թրամփի ռազմական լիազորությունները սահմանափակելու բանաձևը
Բելառուսում 470 քաղբանտարկյալ կա
Քաղաքականություն
08.06.2021 | 16:44
ԵՄ-ն կարծում է, որ Բելառուսում քաղաքական մեղադրանքներով ձերբակալված է ավելի քան 470 մարդ: Twitter-ում նման հայտարարություն է տարածել Եվրոպական արտաքին գործողությունների ծառայությունը, որը ղեկավարում է ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելը:
«Ավելի քան 470 մարդ, ինչպես մեզ հայտնի է, գտնվում է Բելառուսի բանտերում միայն այն պատճառով, որ պահանջում էին ազատ և արդար ընտրություններ: ԵՄ-ն համերաշխություն է հայտնում քաղբանտարկյալներին և Բելառուսի քաղաքացիներին: Մարդու իրավունքների ոտնահարումները չեն կարող անպատիժ լինել, բոլոր խախտողները պետք է պատասխանատվության ենթարկվեն»,- ասված է հաղորդագրության մեջ:
Գրառմանը կից հրապարակված տեսանյութում նշվում է, որ ԵՄ-ն ընդդեմ Բելառուսի նոր պատժամիջոցներ է նախապատրաստում։ Այս պահի դրությամբ ԵՄ-ն իրավաբանական ու ֆիզիկական անձանց նոր սև ցուցակ, ինչպես նաև տնտեսական պատժամիջոցների նոր փաթեթ է նախապատրաստում։
Տաթև Ֆռանգյան
