07.02.2026 | 00:13
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Մենք հակված ենք լրացուցիչ անվտանգության երաշխիքներ ներգրավել․ Արամ Սարգսյան. ՏԵՍԱՆՅՈՒԹ
Քաղաքականություն
08.06.2021 | 15:11
Մեր հանրությունը կառուցողական խոսք է ուզում, ուզում է հասկանալ, թե ինչ ծրագրեր կան և խնդիրներն ինչ կերպ են լուծվում։ Այս մասին այսօր լրագրողների հետ զրույցում ասաց «Հանրապետություն» կուսակցության նախագահ Արամ Սարգսյանը։
«Կուսակցությունը որդեգրել է «աշխատատեղ և անվտանգություն» կարգախոսը. Այդ երկու բաղադրիչները փոխկապակցված են։
Մենք առաջարկում ենք հույսը դնել մեր ունեցած մարդկային և բնական ռեսուրսների վրա, շահագործել ունեցած բոլոր հանքային ռեսուրսները, կառավարել ջրային ռեսուրսներն ու եկամուտներն ուղղել բանակին, կրթությանը և գիտությանը։
Սպառազինել մեր բանակին այնպես, որ կարողանա մի քանի տարի հետո իսկ շատ լուրջ հակահարված տալ թշնամուն, որ թշնամին մեր սահմանները խախտելուց առաջ փորձի մտածել։
Մենք հակված ենք լրացուցիչ անվտանգության երաշխիքներ ներգրավվել՝ դիմելով միջազգային հանրությանը, ՄԱԿ-ին, ԵԱՀԿ ՄԽ եռանախագահող երկրներին՝ իրենց մասնակցությունը ունենալու խնդրում, որովհետև համոզված ենք, որ եռակողմ համաձայնագիրը բխում է Ադրբեջանի շահերից։
Փաստաթուղթը ստորագրելուց անցել է վեց ամիս և վիճակը ոչ միայն չի կայունացել, այլ օր օրի մեր համար ավելի վատ հանգամանքներ են ի հայտ գալիս և այս տեմպը շարունակվելու դեպքում՝ եթե որևէ փոփոխություն չլինի, մենք անընդհատ կորցնելու ենք։ Դրա համար արտաքին քաղաքական նոր խաղացողների ներգրավվում է պետք»,- եզրափակեց Սարգսյանը։
Մանրամասները՝ տեսանյութում:
