18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Սա կյանքի ու մահվան ընտրություն է, ընտրեք կյանքը, դրոշակակիրը. Վարուժան Ավետիսյան․ ՏԵՍԱՆՅՈՒԹ
Քաղաքականություն
08.06.2021 | 13:31
«Մեզ համառորեն ուզում են խաբել ու մոլորեցնել՝ ցույց տալով նախկինների և ներկաների խաղը՝ Նիկոլ Փաշինյան կամ Ռոբերտ Քոչարյան ընտրությունը»,-այսօր հրավիրված մամուլի ասուլիսի ժամանակ նկատեց «Ազգային-ժողովրդավարական բևեռ» համահայկական կուսակցության (ԱԺԲ) ընտրական ցուցակի ներկայացուցիչ Վարուժան Ավետիսյանը:
Նա ընդգծեց, որ երկուսից որին ընտրեն, տարբերություն չկա՝ Նիկոլին, թե Ռոբերտին ընտրությունը որևէ նշանակություն չունի. երկու դեպքում էլ ընտրում եք ռուսական գաղութատիրական համակարգը, որն արդեն Լավրովի առաջին պլանի իրականացումից հետո հիմա սկսել է իրականացնել Լավրովի երկրորդ պլանը:
«Այդ համակարգն արդեն վերածվել է ռուս-թուրքական համակարգի: Ռուսաստանը բերում և մեզ սկուտեղի վրա մատուցում է Թուրքիային: Հիմա Ռուսաստանն այնպես է անում, որ մոլորեցնի. այս երկու խեղկատակների միջից ժողովուրդն ընտրի մեկին, այնպիսի իրավիճակ ստեղծի, որ կարևոր չէ՝ որին կընտրի այդ երկուսից: Իրականում ընտրելով Ռուսաստանին՝ ընտրում ենք Թուրքիային: Եթե ընտրում ես Ռուսաստանին, ընտրում ես Թուրքիայի, եթե ընտրում ես Ռոբերտին, ընտրում ես Թուրքիային, եթե ընտրում ես Նիկոլին, ընտրում ես Թուրքիային: Չկա ոչ մի տարբերություն: Միակ լուծումը արևմուտքի մեկնած ձեռքը բռնելն է»,- նշեց Վարուժան Ավետիսյանը հավաստիացնելով, որ այդ լուծումն առաջակում է ԱԺԲ-ն՝ ճանապարհային քարտեզով, և կոչ անելով՝ սա կյանքի ու մահվան ընտրություն է, ընտրեք կյանքը:
Մանրամասները՝ տեսանյութում:
