31.07.2026 | 16:24
Կիպրոսում Մեծ Բրիտանիայի ավիաբազայում ադրբեջանցի է ձերբակալվել Իրանի օգտին լրտեսության կասկածանքով
Իմ սիրելի հայեր, դուրս եկեք անտարբերության մահաբեր թմբիրից․ Սերժ Սարգսյան
Քաղաքականություն
07.06.2021 | 19:11Լուրեր
31.07.2026 | 16:06
10 կգ մարիխուանա վերցրած ազգականները կալանավորվել են․ գործն ուղարկվել է դատախազին
31.07.2026 | 15:47
Սինգապուրի վարչապետը շնորհավորել է Փաշինյանին՝ ընտրություններում հաղթանակի առիթով
«Բոլորս պետք է հստակ գիտակցենք, որ սա սովորական ընտրություն չէ: Այս անգամ ընտրությունը պետություն ունենալ-չունենալու միջև է: Այս ընտրությունը հայրենիքը կորցնելու և չկորցնելու միջև է, անկախ պետություն չունեցող ժողովուրդներին միանալու կամ դրանից խուսափելու ևս մեկ կամ նույսնիկ վերջին շանս ստանալու համար է: Ես չեմ ուզում, որ իմ թոռները իրենց տանը Արարատի նկարի կողքին պատից կախեն Տաթևի վանքի կամ Սևանա լճի պատկերները որպես կորուսյալ հայրենիքի ևս մի հատված մի մասին պատմող հուշ»,- այս մասին «Պատիվ ունեմ» դաշինքի նախընտրական քարոզչության պաշտոնական մեկնարկի արարողության ժամանակ նշեց ՀՀ երրորդ նախագահ, ՀՀԿ ղեկավար Սերժ Սարգսյանը:
«Սիրելի թիմակիցներ, նախորդ 3 տարիներին ՀՀԿ-ն անցամ 2018-ի քավարանով, քաղաքական հետապնդումների միջով, դարձավ ատելության խոսքի թիրախ, ամեն կերպ փորձ արվեց մեզ լռեցնելու, բայց մենք չլռեցինք ու չընկրկեցինք: Իմ ու իմ թիկամիցների համար հեշտ է ասել՝ մենք զգուշացնում էինք, կանխատեսել էին, բայց դրանք արդեն անօգուտ խոսքեր են: Այդ խոսերը հետ չեն բերելու ոչ մեր 5 հազար զոհվածներին, ոչ էլ Արցախի կորսված 75 տոկոսը:
Ո՞ւմ մտքով կանցներ, որ հայրենի հողի համար իրենց կյանքը տված մեր հերոսները այդ նույն հողում խաղաղ ու հավերժ ննջելու հնարավորություն անգամ չեն ունենալու: Հայաստանն այս դավաճանների պատճառով կորցրել է իր դաշնակիցների և գործընկերների հարգանքն ու վստահությունը: Այս պոպուլիստ ու անբարո իշխանությունը լավագույնս ջանացել է միայն մի հարցում, որ մենք ազգովի բզկտվենք, թուլանանք, պարտվենք պատերազմում և դատապարտվենք դանդաղ մահվան: Հիմա հենց այդ վիճակում ենք:
Առաջիկա ընտրությունները մահը հաղթելու և վեր հառնելու հնարավորություն են: Այս օրերին նկատում ենք, որ փորձ է արվում քաղաքական օրակարգը սխալ ուղղությամբ տանել: Ես երբեք չեմ եղել սև-սպիտակի կամ կործանարար այլ ջրբաժանների կողմնակից: Իմ գործունեությամբ միշտ փորձել են համերաշխություն ու միասնականություն ապահովել մեր երկրի ներսում: Մեր խնդիրը երկրում ներհասարակական համերաշխություն հաստատելը և բևեռացումների ճանապարհը փակելն է: Չկա երկու բևեռ, այս դասը բոլորը պետք է սովորած լինեն: Մի կողմում կա դավաճան կապիտուլյանտ իր սպասարկուներով, մյուս կողմում ժողովուրդ և առողջ քաղաքական դաշտի առաջատար ուժեր: Մեր նպատակը ոչ թե հերթական բևեռացման ու պառակտումների տանելն է, այլ բոլորի հաղթանակով կապիտուլյանտների իշխանությանը ջախջախիչ պարտության մատները»,- նշեց Սարգսյանը:
Նա նաև կոչ արեց իր բնորոշմամբ՝ մոլորության մեջ գտնվող հայրենաիցներին. «Իմ սիրելի՛ հայեր, դուրս եկեք անտարբերության մահաբեր ու կործանարար թմբիրից»:
Մանրամասները՝ տեսանյութում:
