23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Հայտնի է, թե երբ Երևանից Բաթումի կմեկնի առաջին գնացքը․ ՀՀ-ն ու Վրաստանը վերսկսում են երկաթգծային հաղորդակցությունը
Քաղաքականություն
07.06.2021 | 14:02
Վրաստանն ու Հայաստանը վերկանգնում են կորոնավիրուսային համաճարակի պատճառով ընդհատված երկաթգծային հաղորդակցությունը։ Երևանից Բաթումի առաջին գնացքը կուղևորվի հունիսի 15-ին։ Այս մասին այսօր հայտնել է Վրաստանի էկոնոմիկայի ու կայուն զարգացման նախարար Նաթիա Տուրնավան՝ կառավարության նիստից հետո կայացած ճեպազրույցի ժամանակ, գրում է ՏԱՍՍ-ը։
«Ցանկանում եմ ասել, որ վերականգնվել է երկաթգծային հաղորդակցությունը Հայաստանի ու Վրաստանի միջև։ Արդեն հունիսի 15-ին Երևանից առաջին գնացքը Թբիլիսիով կուղևորվի Բաթումի։ Սա նշանակում է, որ մեր դաշնակից, հարևան երկրից զբոսաշրջիկները կգան Վրաստան, մեր սևծովյան հանգստավայրեր, մեր մայրաքաղաք, այլ զբոսաշրջային վայրեր»,- ասել է Տուրնավան։
Հիշեցնենք, որ Հայաստանի ու Վրաստանի միջև ուղևորատար գնացքները չեն ընթացել 2020 թվականի մարտից։
Տաթև Ֆռանգյան
