07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Որպես Տավուշի սահման դիտարկում եմ այն գիծը, որտեղ կանգնած են մեր զինվորները. Հայկ Չոբանյան. ՏԵՍԱՆՅՈՒԹ
Քաղաքականություն
02.06.2021 | 14:28
«Որևէ ժամանակ իմ դիրքորոշումն այս խնդրի վերաբերյալ չի փոխվելու. Տավուշի մարզի սահման ասելով՝ «դե ֆակտո» դիտարկում եմ այն սահմանը, այն գիծը, որտեղ կանգնած են մեր զինվորները։ Որպես քաղաքացու և որպես նախարարի՝ ի պարտականությունն է՝ ջանք չխնայել, որպեսզի այդ «դե ֆակտո» ստատուս քվոն որևէ կերպ չխախտվի ի վնաս Հայաստանի»,- Ազգային ժողովում լրագրողների հետ ճեպազրույցում այս մասնին ասաց ՀՀ բարձր տեխնոլոգիական արդյունաբերության նախարարի պաշտոնակատար, Տավուշի նախկին մարզպետ Հայկ Չոբանյանը՝ անդրադառնալով հարցին, թե իր գնահատմամբ՝ Տավուշում կա՞ն «ադրբեջանական անկլավներ»։
Հիշեցնենք, որ օրեր առաջ «Իմ քայլը» խմբակցության պատգամավոր Վահե Ղալումյանը կարծիք էր հայտնել, թե ՀՀ-ում կան «ադրբեջանական անկլավներ»։
Անդրադառնալով դիտարկմանը, որ եթե սահմանազատման-սահմանագծման հանձնաժողով ստեղծվի, չի բացառվում, որ «ադրբեջանական անկլավների» վերադարձի հարց քննարկվի, Հայկ Չոբանյանը նշեց․ «Առանց ուժեղ տնտեսության չենք կարող ունենալ ուժեղ ԶՈՒ և անվտանգության համակարգ։ Նման շտապ խնդիր ունենք, ռիսկերն առանձին հաղթահարման ճանապարհներ չունենք։ Այն պահին, երբ կլինենք այնքան ուժեղ, որ թշնամին չկարողանա մտնել սահման, դա կլինի մեր ռիսկի ապահովումը։ Մենք մեծ ծավալի ու շտապ աշխատանք ունենք անելու՝ երկրի սուվերենությունն ու սահմանային անվտանգությունն ապահովելու համար»։
Չոբանյանը հավելեց, որ կառավարությունն ամեն ինչ անում է, որ ստեղծված իրավիճակը պատերազմի չվերածվի:
Մանրամասները՝ տեսանյութում:
