01.03.2026 | 19:26
Իրանական անօդաչու թռչող սարքերը հարվածել են Ֆրանսիայի ռազմական բազային Աբու Դաբիում
Սիրիայում 10-ամյա պատերազմի ընթացքում սպանվել է շուրջ կես միլիոն մարդ
Քաղաքականություն
01.06.2021 | 22:42
2011 թվականից Սիրիայում պատերազմի ընթացքում սպանվել է շուրջ կես միլիոն՝ 494 438 մարդ։ Այս մասին հայտնում է France 24-ը՝ վկայակոչելով Մարդու իրավունքների մոնիթորինգի սիրիական կենտրոնի տվյալները։
«Այդ մահերի դեպքերի մեծ մասը գրանցվել է 2012 թվականի վերջից մինչ 2015 թ․ նոյեմբերը»,- նշել է կենտրոնի ղեկավար Ռամի Աբդել Ռահմանը։
Նրա խոսքով՝ վերջերս կենտրոնը հաստատել է շուրջ 42․000 մահվան դեպքերը։ Մեծ մասը մահացել է Սիրիայի բանտերում խոշտանգումների արդյունքում։
Այսօր Դամասկոսի կառավարությունը վերահսկում է երկրի տարածքի ավելի քան երկու երրորդը՝ 2015 թվականից ի վեր Ռուսաստանի աջակցությամբ ահաբեկիչների դեմ գրանցված մի շարք հաջողությունների արդյունքում։ Նախագահ Բաշար Ասադը, որը ղեկավարում է Սիրիան 2000 թվականից, մայիսին վերընտրվել է չորրորդ անգամ՝ յոթնամյա ժամկետով:
Պատերազմը երկրի նախապատերազմյան բնակչության կեսից ավելիին ստիպել է լքել իրենց տները:
Տաթև Ֆռանգյան
