12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Որ թողնեինք` մոտենար, ավելի վատ բան լիներ. Տարոն Մարգարյանի պատգամավոր աներորդին՝ ավագանու միջադեպի մասին. «Ժողովուրդ»
22.02.2018 | 09:01
«Ժողովուրդ» օրաթերթը գրում է.
«Երեւանի ավագանու նիստում տեղի ունեցած միջադեպը շարունակում է մնալ քաղաքական շրջանակների քննարկումների թեման: Երեկ «Ժողովուրդ» օրաթերթի հետ զրույցում Երեւանի քաղաքապետ Տարոն Մարգարյանի աներորդին՝ Աժ ՀՀԿ խմբակցության պատգամավոր Ռոբերտ Սարգսյանն ասել է, թե իրավիճակի պատասխանատուն ոչ թե համայնքապետարանն է, այլ ՀՀ արդարադատության նախարարությունը: «Դա Երեւանի քաղաքի լիազորությունների ներքո չի գտնվել: Դա գտնվել է արդարադատության նախարարության ներքո, պետք է երեւի բարձրացնեին այդ հարցը, ինձ թվում է` լուծումը միանշանակ կստանային»:
Ինչ վերաբերում է միջադեպին, նա ասել է. «Տեսեք, նա զինվում է, այսինքն` զինվում է դիմակով, զինվում է ձեռնոցներով, ապա եթե նա չվերցներ այդ բանկան առանց այդ դիմակի, ինձ թվում է` այդ միջադեպը տեղի չէր ունենա… որ թողնեինք` մոտենար, ավելի վատ բան լիներ»: Իսկ թե ի՞նչ, Սարգսյանը չի մանրամասնել. «Ես չգիտեմ` ինչ կարային իրենք անեին»»:
Առավել մանրամասն՝ թերթի այսօրվա համարում:
