20.05.2026 | 08:55
Նարեկ Կարապետյանը թաքցրել է ՌԴ քաղաքացիություն ունենալու մասին տեղեկությունը. ՔԿ
Իրանը պատրաստ է ցանկացած դերակատարություն ունենալ՝ Հայաստանի ու Ադրբեջանի միջև խաղաղության հասնելու համար․ Զարիֆ
Քաղաքականություն
25.05.2021 | 15:53
Տարածաշրջանային այցով Բաքվում գտնվող Իրանի արտգործնախարար Մոհամմադ Ջավադ Զարիֆին այսօր ընդունել է Ադրբեջանի նախագահ Իլհամ Ալիևը։ Հանդիպման ժամանակ Զարիֆը հայտարարել է, որ Իրանը պատրաստ է ցանկացած դերակատարություն ունենալ՝ Հայաստանի ու Ադրբեջանի միջև խաղաղության հասնելու համար։
Խոսելով Լեռնային Ղարաբաղի հակամարտության մասին՝ իրանցի պաշտոնյան օգտագործել է «ադրբեջանական հողերի ազատագրում» արտահայտությունը։
«Մենք հավատում ենք, որ Դուք պատմական դերակատարություն եք ունեցել «ադրբեջանական հողերի ազատագրման» հարցում և շնորհավորում ենք Ձեզ։ Իսկ հիմա կարող եք պատմական դեր ունենալ տարածաշրջանում խաղաղություն հաստատելու գործում, և մենք ցանկանում ենք շնորհակալություն հայտնել ձեզ՝ Հայաստանի հետ խաղաղության հասնելու ցանկություն հայտնելու համար: Դա շատ կարևոր է, և մենք պատրաստ ենք ցանկացած դերակատարություն ունենալ՝ դրան հասնելու, ինչպես նաև «ազատագրված» տարածքների վերակառուցման և վերականգնման գործում»,- հայտարարել է Զարիֆը:
Հիշեցնենք, որ Իրանի արտգործնախարարը մայիսի 26-ին կայցելի Հայաստան։
Տաթև Ֆռանգյան
