18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Փեսա Միշիկը կարողանում է ավելի շուտ փաստաթուղթը հրապարակել, իրեն գաղտնի տրամադրում են. Նիկոլայ Բաղդասարյան. ՏԵՍԱՆՅՈՒԹ
Քաղաքականություն
21.05.2021 | 18:02
Ինչո՞ւ է հանրությունը Սուրբ Աթոռում Հայաստանի նախկին դեսպան, Սերժ Սարգսյանի փեսա Միքայել Մինասյանից տեղեկանում, որ ՀՀ կառավարության ղեկավարը՝ Նիկոլ Փաշինյանը, պատրաստվում ստորագրել փաստաթուղթ, որի շուրջ ընթացել են բանակցություններ, այն դեպքում, երբ իշխող ուժը խոստանում էր, որ ժողովրդից գաղտնի ոչինչ չի արվելու:
Factor.am-ի հետ զրույցում անդրադառնալով այս հարցին՝ «Իմ քայլը» խմբակցության պատգամավոր Նիկոլայ Բաղդասարյանը նշեց. «Պատճառն այն է, որ, ըստ իս, կան մարդիկ, որոնք ավելի շուտ, քան վարչապետի աշխատակազմը որոշակի գործողություն կկատարի, փեսա Միշիկին գաղտնի կերպով տրամադրում են տեղեկությունները՝ կա՛մ Հայաստանից, կա՛մ Ադրբեջանից, կա՛մ Ռուսաստանից, չգիտեմ որ մարմնից, և ինքը կարողանում է շուտ դա հրապարակել: Բնական է, որ մինչև փաստաթուղթը լիովին պատրաստ չլինի ստորգրման, վարչապետի աշխատակազմը դա չի հրապարակի»:
Բաղասարյանի խոսքով՝ եթե տեղեկատվության աղբյուրը Ադրբեջանից է կամ Ռուսաստանից, ապա ՀՀ իշխանությունը չի կարող կանխել, որ նրան չտրամադրվի այդ տեղեկատվությունը: «Այնուամենայնիվ մեր ԱԱԾ-ն և բոլոր համապատասխան կառույցները պետք է ձեռնարկեն բոլոր միջոցները, որպեսզի բացառեն նման կարգի տեղեկատվության արտահոսքը»,- նշեց պատգամավորը:
Մանրամասները՝ տեսանյութում:
