07.10.2026 | 23:48
Արթուր Դանիելյանը կալանավորվեց
Օտարերկրացիները Հայաստանի բանկերից տարել են իրենց ավանդները. Սարգսյան
Տնտեսություն
19.05.2021 | 14:50
Ավանդները անցյալ տարվա համեմատ ավելացել են 4.9 տկոսով կամ 173 մլրդ դրամով, բայց 2021թ-ի առաջին եռամսյակի համեմատ` նվազել 0.2 տոկոսով կամ 7 մլրդ դրամով: Այս մասին այսօր հրավիրած մամուլի ասուլիսում հայտնեց ՀՀ Բանկերի միության գործադիր տնօրեն Սեյրան Սարգսյանը։
«2020թ.-ի տարեսկզբին` հունվար, փետրվար, մարտ ամիսներին ավանդների ծավալը շարունակում էր աճել, այնուհետև, երբ պանդեմիան սկսեց, որոշակի նվազում է նկատվել։ Մայիսին, երբ որոշակիություն մտավ, ավելի հասկանալի դարձավ, թե պանդեմիան ինչպես է հաղթահարվելու, ավանդների ծավալը սկսեց ավելանալ, և գերազանցեց անգամ տարեսկզբին բանկերում եղած ավանդների ծավալը։ Առավելագույն ծավալը գրանցվել է օգստոսին, իսկ պատերազմը սկսվելուց հետո` սեպտեմբեր – հոկտեմբերին, ավանդներիծավալի ոչ մեծ նվազում է գրանցվել, և տարեվերջին` պատերազմից հետո, նորից այդ ավանդները վերադարձել են բանկեր»,- նշեց Սարգսյանը։
Նրա խոսքով՝ նվազման ծավալում մեծ է հատկապես օտարերկրյա քաղաքացիների ավանդների թիվը։ Սարգսյանի մեկնաբանմամբ`այս միտումը ոչ միայն Հայաստանում է նկատվել, այլ ամբողջ աշխարհում, ու սա նույնպես կորոնավիրուսի համավարակի հետևանք է։
«Աշխարհում տիրող անորոշության հետևանքով մարդիկ գերադասում են իրենց գումարները պահել իրենց երկրներում»,- նշեց Բանկերի միության գործադիր տնօրենը:
Մանրամասները տեսանյութում:
