31.07.2026 | 16:36
Ամասիա համայնքին է վերադարձվել ավելի քան 5 հա ապօրինի օտարված արոտավայր
Չենք ուզում բոլոր փամփուշտները կրակել․ Մարուքյանը՝ ՀԱՊԿ պայմանագրի 2-րդ հոդվածով դիմելու մասին. ՏԵՍԱՆՅՈՒԹ
Քաղաքականություն
14.05.2021 | 14:52Լուրեր
31.07.2026 | 16:06
10 կգ մարիխուանա վերցրած ազգականները կալանավորվել են․ գործն ուղարկվել է դատախազին
31.07.2026 | 15:47
Սինգապուրի վարչապետը շնորհավորել է Փաշինյանին՝ ընտրություններում հաղթանակի առիթով
«Բազմաթիվ տեղերում Ադբեջանը զորք չունի և հայկական կողմն էլ կարող է նույն բանն անել և առաջ գնալ դեպի Ադրբեջանի տարածք: Բայց երբ որ հայկական կողմն իրեն պահում է միջազգային իրավունքին և նոյեմբերի 9-ին ստորագրված փաստաթղթին համահունչ, սա չպետք է դառնա Ադրբեջանի կողմից նոր սադրանքների առարկա»,- այսօր կայացած ասուլիսի ժամանակ այս կարծիքը հայտնեց «Լուսավոր Հայաստան» կուսակցության ղեկավար Էդմոն Մարուքյանը՝ հավելելով, որ Ադրբեջանը իրեն չի պահում որպես ստորագրված եռակողմ փաստաթղթի կողմ:
Անդրադառնալով դիտարկմանը, որ Հայաստանը դիմել է ՀԱՊԿ-ին 2-րդ հոդվածի շրջանակներում, ոչ թե 4-րդ, Մարուքյանը նշեց. «Եկել եմ այն եզրակացության, որ հայկական կողմը չի ուզեցել «կրակել իր ունեցած բոլոր փամփուշտները»: Սա նշանակում է, որ մենք միանգամից ՀԱՊԿ-ից զորք չենք ուզում, պետք լինի, մենք էլ զորք ունենք, եթե տեղի ունենա մեծ էսկալացիա, 4-րդ հոդվածը կգործի՝ նաև մեր դիմումի լույսի ներքո»,- նշեց Մարուքյանը՝ հավելելով, որ Հայաստանը դիմել է՝ իրազեկելով, որ ուժի գործադրման սպառնալիք կա Ադբեջանի կողմից, և եթե այս խնդիրը չկարգավորվի, նոր էսկալացիա, ռազմական նոր կոնֆլիկտ կլինի Հայաստանի՝ ՀԱՊԿ անդամերկրի տարածքում:
Մանրամասները՝ տեսանյութում:
