24.04.2026 | 20:14
Ինչ իրավիճակ է ճանապարհներին
Երեկվա բանակցությունները արդյունք չեն տվել, այսօր կշարունակվեն․ Գորիսի փոխքաղաքապետ
13.05.2021 | 11:00
«Երեկ, երբ հայտարարեցինք թշնամու առաջխաղացման մասին որոշ մարդիկ սկեցին մեզ մեղադրել, որ սուտ ենք ասում, պրովոկացիա ենք անում, շահարկումներ ենք անում, բայց ժամանակը ցույց տվեց, որ դա այդպես չէ։ Ես ի սկզբանե ասացի, որ կրակոցներ չեն եղել։ Բանակցությունները շարունակվում են, երեկվա բանակցությունները, սակայն, արդյունք չեն տվել․ փոքրիկ տեղաշարժ է եղել»,- այս մասին այսօր Tert.am-ի հետ զրույցում ասաց Գորիսի փոխքաղաքապետ Մենուա Հովսեփյանը։
Փոխքաղաքապետը հույս հայտնեց, որ հարցը կլուծվի դիվանագիտական ճանապարհով: «Վեց ամիս է ասում ենք, որ Սև լճում մենք խնդիր ունենք, Գորիս համայնքի ղեկավարները բազմիցս ասել են, որ բաց տարածքներ ունենք, ոռոգման խնդիր ունենք, որի մի մասը GPS քարտեզով անցել է թուրքին»,- ասաց նա։
Հովսեփյանը նաև նշեց, որ կսպասեն ՊՆ հրահանգներին, և որ պատրաստ են մինչև վերջ գնալու, բայց հայրենիքը չեն զիջի․ «Սյունիքը չի կարող լինել անվտանգ, բոլոր այն պատգամավորները, որոնք ասում էին անվտանգ է՝ տեսան, որ այստեղ անվտանգ չէ»։
