18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Վանեցյանը պիտի ժողովրդի առաջ ասի՝ ինչու դավաճանեց հեղափոխության արժեքները. Արփի Դավոյան. ՏԵՍԱՆՅՈՒԹ
Քաղաքականություն
11.05.2021 | 17:02
«Քաղաքացիական պայմանագիր» կուսակցության նախընտրական ցուցակի շուրջ կան քննարկումներ, սակայն դրանք դեռևս սաղմնային փուլում են: Երբ կհրապարակվեն ցուցակները, պարզ կլինի, թե ովքեր են ընդգրկված և ինչ նոր անուններ կան: Այս մասին Factor.am-ի հետ զրույցում նշեց «Իմ քայլը» խմբակցության պատգամավոր Արփի Դավոյանը:
ՀՀԿ-ն և «Հայրենիք» կուսակցությունը արտահերթ խորհրդարանական ընտրություններին հանդես են գալու «Պատիվ ունեմ» դաշինքի ներքո: Եվ հիմա քննադատություններ են հնչում Նիկոլ Փաշինյանի հասցեին, որ ԱԱԾ ղեկավար էր նշանակել մի անձի, ով համագործակցում է Սերժ Սարգսյանի հետ: Անդրադառնալով այս դիտարկմանը՝ Դավոյանը նշեց. «Վանեցյանը, որ Վանեցյան դարձավ Նիկոլ Փաշինյանի և մեր իշխանության շնորհիվ և քննադատում էր նախկին իշխանություններին, հիմա հանդես է գալիս նրանց դիրքերից, և նույնիսկ վերափոխում է իր խոսքերը՝ ասելով, թե չի ասել՝ նախկիններին վերադարձ չի լինելու: Այդ մարդն անընդհատ արդարացումների մեջ է: Ես չգիտեմ, թե նա ինչ ունի առաջարկելու Հայաստանի ժողովրդին, ինչ պետք է ասի, նախևառաջ ինչպես պետք է բացատրի իր ճամբարափոխ լինելու դրվագը, որը շատ կարևոր է իր քաղաքական հետագծի համար:
Վանեցյանը պետք է կանգնի ժողովրդի առաջ ու պատասխանի, թե ինչու դավաճանեց հեղափոխության արժեքներին, և ինչպես եղավ, որ միացավ նրանց, ում քննադատում էր: Այս մարդը պետք է բացատրի, թե ինչ արժեքներ է կրում, եթե իհարկե կրում է որոշակի արժեքներ, և ինչու է դուրս եկել քաղաքական պայքարի: Իսկ «Պատիվ ունեմ» անունը բավականին անհաջող է ընտրված»:
Մանրամասները՝ տեսանյութում:
