18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Ոստիկանությունը Երևանում քուրդ ահաբեկիչների է փնտրում. ուսանողներ են հարցաքննվել. «ՀԺ»
17.02.2018 | 09:15
«Հայկական ժամանակ» թերթը գրում է.
«ՀԺ»-ի աղբյուրներին հայտնի դարձավ, որ ոստիկանները հարցաքննել են Երեւանում վարձակալված մի բնակարանում ապրող երեք քուրդ եւ երկու հայ ուսանողների: «Վերջիններս ուղղորդված են գնացել այդ բնակարան»,-համոզված են հայ ուսանողները:
Մեր աղբյուրը որոշ մանրամասներ ներկայացրեց կատարվածից: Ըստ այդմ, սկզբում հայերին են հարցաքննել, հարցրել են, թե ինչ գործ ունեն քրդերի հետ: Պատասխանել են, որ ուսանող են, տան վարձը թանկ է եղել, իրենք էլ որոնել, համատեղ ապրելու ցանկություն ունեցող մարդիկ են գտել, միասին մեկ բնակարան են վարձակալել:
Հետո հարցաքննել են քուրդ ուսանողներին: Վերջիններս ցույց են տվել իրենց ուսանողական տոմսերը, ոստիկանները ճշտել են, որ չեն ստում, այլեւս Հայաստանում նրանց գտնվելու մասին հարցեր չեն տվել»:
Առավել մանրամասն՝ թերթի այսօրվա համարում:
Կարդացեք նաև՝ «Քուրդ գրոհայինները անցե՞լ են պետական սահմանը. ուժայինները միմյանց վրա են դնում պատասխանատվությունը»
