18.02.2026 | 12:52
Զելենսկին պատժամիջոցներ է սահմանել Լուկաշենկոյի նկատմամբ
Ղազանչեցոցը առանձին նշանակություն էլ ունի, գմբեթը տեսանելի էր ամեն կողմից․ Հովհաննես Հովհաննիսյան. ՏԵՍԱՆՅՈՒԹ
Մշակույթ
06.05.2021 | 12:51
Մայիսի 3-ից համացանցում տարածվող լուսանկարներում Շուշիի Սուրբ Ամենափրկիչ Ղազանչեցոց եկեղեցին առանց գմբեթի է: Սա Արցախի օկուպացված տարածքներում Ադրբեջանի կողմից պաշմամշակութային կոթողների ոչնչացման և ձևախեղման հստակ ապացույցն է:
Եկեղեցու գմբեթի ապամոնտաժմանն արձագանքել են Հայաստանի ԱԳՆ-ն, Արցախի մարդու իրավունքների պաշտպանը և Հայ առաքելական եկեղեցին:
Հայկական կողմը մատնանշել է, որ Ադրբեջանը սկսել է եկեղեցու ճարտարապետական տեսքի փոփոխման աշխատանքներ կատարել մինչև ՅՈՒՆԵՍԿՕ-ի փորձագետների գնահատման առաքելության կողմից աշխատանքների սկսումը։
Ադրբեջանը նաև դիտավորյալ արգելափակում է ՅՈՒՆԵՍԿՕ-ի փորձագետների մուտքը դեպի վտանգված հայկական մշակութային ժառանգության վայրեր:
«Կանխատեսելի էր, որ պատերազմում մեր կրած պարտությունից հետո Ադրբեջանը ամեն ինչ պետք է աներ հայկական հետքը ջնջելու համար այդ տարածքներից՝ փորձելով ցույց տալ, որ այդ տարածքները «պատմականորեն պատկանում են Ադրբեջանին»: Տարբեր նամակներ ենք ուղղել միջազգային հանրությանը, ՅՈՒՆԵՍԿՕ-ին, Հռոմի Պապին՝ փորձելով կանխարգելել դա»,- «Մշակութային ձևախեղում. ի՞նչ է անում Ադրբեջանը Արցախի օկուպացված տարածքներում» թեմայով առցանց քննարկման ժամանակ այս մասին նշեց Ազգային ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Հովհաննես Հովհաննիսյանը:
«Ղազանչեցոցը առանձին նշանակություն ունի, նրա գմբեթը ամեն կողմից երևում է, Ստեփանակերտի կողմից տեսանելի էր, և դա Շուշին օր առաջ վերադարձնելու հույս կարթնացներ, և Ղազանչեցոցի գմբեթը ապամոնտաժելով՝ նրանք փորձում են նաև քաղաքական հարցեր լուծել:
Այս օրերին ԱԺ պատգամավորները տարբեր միջազգային կազմակերպությունների են դիմել՝ տեղեկացնելով Ադրբեջանի ցեղասպան քաղաքականության մասին»,- նշեց Հովհաննիսյանը:
Մանրամասները՝ տեսանյութում:
