04.05.2024 | 20:32
«Նոա»-ն հաղթեց «Ալաշկերտ»-ին և կրկին մրցաշարային աղյուսակի առաջատարն է
Ադրբեջանը ոչնչացրել է Մեծ թաղեր գյուղի հայկական գերեզմանոցը
05.05.2021 | 14:17
Արցախի Մեծ Թաղեր գյուղի հայկական գերեզմանոցը Ադրբեջանի կողմից վերջերս ոչնչացվել է։ Այս մասին տեղեկանում ենք Caucasus Heritage Watch-ի թվիթերյան էջից։
Գերեզմանոցը հիմնվել է 19-րդ դարի սկզբին։ Արբանյակային լուսանկարները ցույց են տալիս, որ այն ամբողջությամբ ոչնչացվել է, առկա են նաև ծանր տեխնիկայի աշխատանքի հետքերը։
Բացի այդ, Caucasus Heritage Watch-ը նշում է, որ նույն գյուղի՝ 1846 թվականին հիմնված հայկական Սուրբ Ամենափրկիչ եկեղեցին էլ քանդման վտանգի տակ է։ Դարձյալ արբանյակային լուսանկարները վկայում են, որ եկեղեցու հարակից տարածքը բուլդոզերով քանդվել է, այնտեղ բեռնատարներ են կայանված։ CWH-ը մտահոգություն է հայտնել այս կապակցությամբ և կոչ արել պաշտպանել եկեղեցին։
Նշենք, որ Ադրբեջանը շարունակում է ոչնչացնել Արցախում հայկական պատմամշակութային ժառանգությունը և ամեն կերպ խոչընդոտում է UNESCO-ի առաքելության մուտքին Արցախի գրավյալ տարածքներ։
Էմմա Չոբանյան
