30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ե՛վ 1998-ի հեղաշրջումը, և՛ 1999-ի հոկտեմբերի 27-ն առնչվել են արցախյան հիմնահարցին. Բաբաջանյան. ՏԵՍԱՆՅՈՒԹ
Քաղաքականություն
04.05.2021 | 17:17
Ալիևը, ցավոք, յուրացնում է գրավածը: Այս մասին խորհրդարանում հայտարարությունների ժամին նշեց ԱԺ անկախ պատգամավոր Արման Բաբաջանյանը անդրադառնալով Շուշիի Ղազանչեցոց Սուրբ Ամենափրկիչ եկեղեցու գմբեթի ապամոնտաժմանը:
«Իսկ մենք ի՞նչ էինք անում մեր գրավածի հետ: 25 տարի մենք տարածքները ամբողջությամբ թողել էինք, սպասում էինք այսօրվան: Ընդհուպ 1998-ին գալով իշխանության՝ մարդը դադարեցնում էր Լաչինի վերաբնակեցման պետական ծրագիրը: Իսկ 2004-ին գլուխ էինք գովում, թե ԵԱՀԿ մոնիթորինգը ազատագրված տարածքներում վերաբնակեցման փաստ չի արձանագրել: Իհարկե, այդ տարածքները դառնում էին մասնավոր անձանց հարստացման աղբյուր:
Տարիներ ի վեր սեփական ժողովրդի մոտ հերոսական կերպար կերտած «վոինը» գնում էր միջնորդների մոտ, տարածքները հանձնելու մասին խելոք հանձնառություններ էր վերցնում, գալիս սեփական ժողովրդի մոտ հերոսական կերպար էր ընդունում, հողերը ոչ մի դեպքում չհանձնելու մասին հայտարարություններ անում: Այդ անձը մինչև իսկ Հայաստանի սուվերեն տարածքը Ղարաբաղի հետ փոխանակելու ծրագիր է քննարկել և չի մերժել միջնորդների ներկայացրած գեթ մեկ առաջարկ՝ հույս ունենալով, որ բոլոր առաջարկները մերժվելու են Ադրբեջանի կողմից, հույս ունենալով, որ «շյուստրի» կգտնվի, կունենա Ռուսաստանի աջակցությունը, ՌԴ-ն ու ԱՄՆ-ը մշտապես դիմակայության մեջ կլինեն, մենք էլ կկարողանանք ամեն անգամ շրջանցել հերթական ռիսկը»,- նշեց պատգամավորը:
«Մենք դեռ 1994-ից պետք է զբաղվեինք այդ տարածքների նկատմամբ կոնկրետ պետական ծրագրի մշակմամբ, զուգահեռաբար մեր բանակը արդիականացնեինք ու ամեն օր սպասեինք պատերազմի, բայց չենք արել»,- ընդգծեց Բաբաջանյանը: Ստեղծված իրավիճակը մեկ օրում չի ստեղծվել, 25 տարվա ընթացքում արցախյան հիմնահարցը մշտապես ցնցել է մեր ներքաղաքական կյանքը: 1998-ի հեղաշրջումը, 1999-ի Հոկտեմբերի 27-ը և դրանց հաջորդած ներքաղաքական իրադարձություններն այս կամ այն կերպ առնչվել են արցախյան հիմնահարցին:
Մանրամասները՝ տեսանյութում:
