27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Հնդկաստանում բանակը ներգրավվել է Covid-19-ի դեմ պայքարին․ երկրում համաճարակը աղետալի մասշտաբների է հասել
Քաղաքականություն
04.05.2021 | 14:17
Համաճարակաից տուժած Հնդկաստանի մայրաքաղաք Դելիի իշխանությունները բանակից օգնություն են խնդրել: Քաղաքը չի կարողանում ինքնուրույն հաղթահարել Covid-19-ի երկրորդ ալիքը, որը Հնդկաստանում աղետալի մասշտաբների է հասել։
Դելիում հիվանդանոցները գերբեռնված են, բժշկական նպատակներով թթվածնի սուր պակաս կա: Քաղաքային իշխանությունները ցանկանում են, որ զինվորականները վերահսկեն հիվանդների խնամքի կենտրոնների, բժշկական կենտրոնների և վերակենդանացման բաժանմունքների աշխատանքի կազմակերպումը, գրում է BBC-ի ռուսական ծառայությունը:
Նշվում է, որ բժշկական ուսումնական հաստատություններում ավարտական քննությունները հետաձգվել են. ուսանողներին ուղարկում են համաճարակի դեմ պայքարելու:
Հնդկաստանում կորոնավիրուսով վարակված մարդկանց ընդհանուր թիվը մոտենում է 20 միլիոնի: Վերջին շաբաթներին ամեն օր վարակման շուրջ 300 հազար նոր դեպք է գրանցվում: Զոհերի թիվը հասել է 220 հազարի:
Մասնագետներն ասում են, որ սա ընդամենը պաշտոնական վիճակագրություն է, իրական թվերը կարող են շատ ավելի բարձր լինել, քանի որ Covid-19-ի թեստերը քիչ են անցկացվում, և շատ հիվանդներ մահանում են տանը՝ սպասելով բուժօգնության:
Տաթև Ֆռանգյան
