07.05.2024 | 15:13
Ես կողմ եմ Ալիևի գաղափարին, որ մինչև նոյեմբեր ստորագրվի պայմանագիրը. Փաշինյան. ՏԵՍԱՆՅՈՒԹ
Թուրքիայի և ԱՄՆ-ի պաշտպանության նախարարները կքննարկեն Աֆրինի ռազմագործողությունը
Քաղաքականություն
14.02.2018 | 20:21
Թուրքիայի ազգային պաշտպանության նախարար Նուրեթթին Ջանիքլին կհանդիպի ԱՄՆ պաշտպանության նախարար Ջեյմս Մաթթիսի հետ։ Թուրքական «Ahaber.com.tr» լրատվակայքի տեղեկացմամբ՝ հանդիպումը տեղի կունենա Բրյուսելում կայանալիք ՆԱՏՕ-ի անդամ երկրների պաշտպանության նախարարների համաժողովի շրջանակներում. փոխանցում է EH-ն:
Համաժողովին մասնակցելու նպատակով ՆԱՏՕ-ի կենտրոնակայան մեկնած Ջանիքլին նախ և առաջ հանդիպել է ՆԱՏՕ-ի գլխավոր քարտուղար Յենս Ստոլտենբերգի հետ։ Նախատեսված են նրա առանձնազրույցները ԱՄՆ-ի, Անգլիայի, Ֆրանսիայի և Իսպանիայի պաշտպանության նախարարների հետ, թուրք նախարարը կմասնակցի նաև միջուկային ծրագրավորման խմբի պաշտպանության նախարարների նիստին։
ԱՄՆ պաշտպանության նախարար Մաթթիասի և թուրք նախարար Ջանիքլիի հանդիպումը կկայանա թուրքական ժամանակով ժամը 20։00-ին։ Հանդիպման ժամանակ կքննարկվեն թուրքական զինված ուժերի կողմից իրականացվող Աֆրինի ռազմագործողությանը, ինչպես նաև՝ տարածաշրջանային այլ խնդիրներ։
Ջանիքլին նաև մասնակցել է Հռոմում կազմակերպված «Իսլամական պետություն» ահաբեկչական խմբավորման դեմ պայքարի միջազգային կոալիցիայի անդամ երկրների պաշտպանության նախարարների նիստին։
Նիստին ներկա է եղել նաև ամերիկացի նախարար Մաթթիասը։ Թուրք նախարարը ներկաներին տեղեկություններ է հատնել «Ձիթենու ճյուղ» ռազմագործողության նպատակի ու ընթացքի վերաբերյալ։
