19.12.2025 | 16:49
Ինձ չեն ստիպել, ես եմ դիմում գրել, դուրս եկել. Աղազարյանի որդին՝ ՔՊ-ից և աշխատանքից դուրս գալու մասին․ ՏԵՍԱՆՅՈՒԹ
Բելառուսը որոշել է Ադրբեջանին օգնել՝ Լեռնային Ղարաբաղում ագրոքաղաքներ կառուցել
Քաղաքականություն
19.04.2021 | 19:51
Բելառուսը որոշել է Ադրբեջանին օգնել՝ Արցախի գրավյալ տարածքներում ագրոքաղաքներ կառուցել։ Բելառուսի Հանրային հեռուստատեսության եթերում այդ երկրի ճարտարապետության ու շինարարության նախարար Ռուսլան Պարխամովիչն ասել է, որ Բելառուսը պատրաստ է Ադրբեջանի հետ կիսվել գյուղատնտեսության ոլորտում առկա փորձով ու գիտելիքներով։
«Մեր ագրոքաղաքների նմանությամբ պլանավորվում է Լեռնային Ղարաբաղի կառուցումը։ Ընդհանուր առմամբ, խոսքը բոլոր ենթակառուցվածքների վերականգնման մասին է։ Քաղաքաշինության առումով նախատեսում է ինչպես բնակելիների կառուցում, այնպես էլ սոցիալական օբյեկտների։ Խոսքը նաև հիդրոէլեկտրակայանների ու ենթակառուցվածքների վերականգնման մասին է։ Սա և՛ էլեկտրականությունն է, և՛ ջրամատակարարումը, այսինքն՝ մենք խոսում եք տարածքների համալիր կառուցման մասին»,- ասել է բելառուս նախարարը։
Ադրբեջանում Բելառուսի արտակարգ ու լիազոր դեսպան Անդրեյ Ռավկովն էլ ասել է, որ «Բելառուսն ամեն ինչ չի կարող, բայց շատ բան է կարող, և այն, ինչ ուժերի սահմաններում է, կանի՝ Ադրբեջանին օգնելու համար»։
Հիշեցնենք, որ Բելառուսի նախագահ Ալեքսանդր Լուկաշենկոն նախորդ շաբաթ Բաքվում էր։ Նա հանդիպում է ունեցել Իլհամ Ալիևի հետ, ինչպես նաև շնորհավորել նրան՝ ասելով, թե «Ադրբեջանը մեծ քայլ է կատարել իր ազգային երազանքին հասնելու համար»։
Էմմա Չոբանյան
