15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Ան-148 ինքնաթիռում պայթյունը տեղի է ունեցել կործանվելուց հետո. ՌԴ ՔԿ
12.02.2018 | 17:45
Մերձմոսկվայում Ան-148 ինքնաթիռում պայթյունը տեղի է ունեցել կործանվելուց հետո: Այս մասին հաղորդել է ՔԿ պաշտոնական ներկայացուցիչ Սվետլանա Պետրենկոն. փոխանցում է ria.ru-ն:
Պաշտոնյայի խոսքով՝ ընկնելու պահին ինքնաթիռն այրվելիս չի եղել:
Քննիչները խուզարկում են «Սարատովյան ավիաուղիներ» ավիաընկերությունը, որին պատկանում էր ինքնաթիռը: Քննչական կոմիտեի աշխատակիցները առգրավել են վառելիքի նմուշները, դիսպետչերների ու օդանավի հրամանատարի ռադիոփոխանակման ֆայլերը, ինքնաթիռին հետևելու համակարգերի տվյալները, ռադարի ցուցիչների էլեկտրոնային գրառումները:
Նշանակվել են դատաքրեագիտական փորձաքննություններ:
Հիշեցնենք, որ Մոսկվա-Օրսկ չվերթն իրականացանող Ան-148 ինքնաթիռը կործանվել է կիրակի օրը «Դոմոդեդովո» օդանավակայանից վերասլացքից մի քանի րոպե անց, ինքնաթիռում եղել է 65 ուղևոր և անձնակազմի 6 անդամ, նրանք բոլորը զոհվել են:
