07.10.2026 | 23:48
Արթուր Դանիելյանը կալանավորվեց
Ապրիլի 16-ին Հայաստանի բոլոր կինոթատրոններում հայկական ֆիլմեր կցուցադրվեն․ազգային կինոկենտրոնի տնօրեն. ՏԵՍԱՆՅՈՒԹ
Մշակույթ
13.04.2021 | 14:56
Անցյալ տարի՝ 2020-ին, համավարակով պայմանավորված՝ չեղարկվեցին տարբեր միջոցառումներ, այդ թվում՝ այն միջոցառումները, որոնցով Հայաստանի ազգային կինոկենտրոնը որոշել էր մեր երկրում առաջին անգամ նշել Հայ կինոյի օրը։ Այս տարի արդեն հարմարվեցինք այս պայմաններին և կարողացանք հետաքրքիր միջոցառումներ կազմակերպել։ Այս մասին այսօր հրավիրված մամուլի ասուլիսին նշեց Հայաստանի ազգային կինոկենտրոնի տնօրեն Շուշանիկ Միրզախանյանը։
«Նախ, կոչ արեցինք բոլոր կինոթատրոններին՝ թե՛ մարզերում, թե՛ Երևանում, որ այդ օրը ցուցադրեն միայն հայկական ֆիլմեր։ Հուրախություն մեզ՝ բոլորն արձագանքեցին, և ապրիլի 16-ին Հայաստանի բոլոր կինոթատրոններում կարող եք դիտել հայկական ֆիլմեր։ Ասեմ, որ կինոթատրոններն ազատ էին ծրագրի ընտրության հարցում։ Հիմնական նպատակն է հանրայնացնել ժամանակակից հայ կինոն»,- նշեց Շուշանիկ Միրազխանյանը։
Նրա խոսքով՝ հունիսի 17-ից սկսած՝ Հայաստանի ազգային կինոկենտրոնը, «Մոսկվա» կինոթատրոնի հետ միասին, նոր, երկարատև ծրագիր է սկսում։
«Մինչև տարվա վերջ, ամեն շաբաթ-կիրակի, կցուցադրենք մանկական անիմացիոն ֆիլմեր։ Մեր փոքրիկները մարզերում նույնպես կարող են դիտել այդ մուլտֆիլմերը»,- հավելեց Շուշանիկ Միրզախանյանը։
Մանրամասները՝ տեսանյութում։
Նելլի Մելքոնյան
