17.04.2026 | 23:38
Ավտոերթով պայմանավորված՝ երթևեկությունը որոշ հատվածներում ժամանակավորապես կսահմանափակվի. ՆԳՆ
Այժմ ծավալված մոտ 2600 մահճակալ ունենք, բայց այդ ռեսուրսն անսպառ չէ․ ՀՀ առողջապահության նախարար. ՏԵՍԱՆՅՈՒԹ
12.04.2021 | 13:03
Վերջին մեկ-երկու շաբաթում ունենք կայուն լարված իրավիճակ, այսինքն՝ թվերի նվազում դեռ չունենք։ Այս մասին այսօր լրագրողների հետ հանդիպմանը նշեց ՀՀ առողջապահության նախարար Անահիտ Ավանեսյանը։
«Կարևոր է, որ ունենք կայունացում, բայց պետք է ասել, որ դրական թեստերի մեջ հոսպիտալացման կարիք ունեցող պացիենտների համամասնությունը բավականին մեծ է։ Այս պահին ունենք ծավալված մոտ 2600 մահճակալ, որոնք անընդհատ ավելացվում են, բայց այս ռեսուրսն անսպառ չէ։ Առաջիկայում ևս՝ այդ ֆոնդը մի փոքր ավելացելու հնավորություն ունենք, բայց պիտի անենք ամեն ինչ, որ դրսում մնացած պացիենտներ չունենանք։ Ինչքան էլ բժշկական օգնություն տրամադրվի, առողջապահական համակարգն իր բոլոր ռեսուսների գերլարումով սպասարկի պացիենտներին, ունենք ծայրահեղ ծանր ընթացքի բավականին մեծ համամասնություն։ Հիվանդության նկատմամբ վերաբերմունքը միանշանակ պետք է բավական լուրջ լինի»,- նշեց առողջապահության նախարարը։
Մանրամասները՝ տեսանյութում։
Նելլի Մելքոնյան
