«Հրթիռը պատրասվում էի նվիրել բանակին». Սանասար Գաբրիելյան

Վերաքննիչ քրեական դատարանում կայացավ «Իգլայի» գործով հերթական դատական նիստը: ԼՂՀ ՊԲ նախկին հրամանատար Սամվել Բաբայանի և մյուսների` Առաջին ատյանի դատարանի Վերաքննիչ բողոքը մեղադրողն այօսր պահանջեց մերժել:

Այս գործով 3 տարվա ազատազրկման դատապարտված Սանասար Գաբրիելյանն այսօր դատարանում հայտարարեց` պահանջում է իրեն անպարտ ճանաչել: Գաբրիելյանը նշեց, որ ստեղծված իրավիճակի հիմքում ինքն է կանգնած, և Արմեն Պողոսյանն էլ իր խնդրանքով է փորձել վաճառվող զենք գտնել. «Ուզում էինք, որ Արմենն «ՕՐՕ» դաշինքի միջոցով պատգամավոր դառնա: Սա է պատճառը, որ տրուբի մոտ «ՕՐՕ» դաշինքի նկար է եղել»,- նշեց Սանասար Գաբրիելյանը:

Դատարանը Գաբրիելյանին զգուշացրեց, որ խոսելիս պետական գաղտնիք պարունակող ինֆորմացիա չտրամադրի, իսկ եթե կա նման ինֆորմացիա, ապա նիստը դարձնեն դռնփակ: Գաբրիելյանը, սակայն, նշեց, որ պետական գաղտնիք չի հրապարակում. «Ես զինվորական եմ, կոչումով փոխգնդապետ և առաջին օրից շարժման մեջ եմ: Ես Բելառուսից 41 միավոր զենք եմ տեղափոխել պատերազմի ժամանակ, որով կռվել են իմ տղաները: Ես 20 տարվա ծառայության թոշակս թողել եմ էս պետությանը, դա մոտավորապես, այս պահին, մի 20 միլիոն դրամ կկազմի: Ուզում եմ ասել, որ կան հայ տղերք, որոնք սիրում են այս ազգը: Հրթիռը պատրասվում էի նվիրել բանակին»,- հավաստիացրեց Գաբրիելյանը:

Նշենք, որ դատավարությունը մոտենում է ավարտին:

Հայտարարությունների ու միջնորդությունների փուլից հետո դատարանը պետք է հրապարակի վերաքննիչ որոշումը:

Այսօրվա նիստը հետաձգվեց: