15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Նախագահի թեկնածուի հանդիպումների հետաքրքիր տողատակերը. «Փաստ»
09.02.2018 | 09:47
«Փաստ» օրաթերթը գրում է.
Այն, որ 4–րդ նախագահի թեկնածու Արմեն Սարգսյանն առանձնապես չի շտապում խորհրդարանական և արտախորհրդարանական կուսակցությունների հետ հանդիպումներ ունենալ, երևում է նրա քայլերից:
Եվ խնդիրն ամենևին էլ այս կամ այն կուսակցությանը համակրել–չհամակրելը չէ, քանի որ եթե նա որոշելու է դառնալ երկրի նախագահ, ապա պարտավոր է բոլորին էլ նույն աչքով նայել, անկախ նրանից, թե «զավակը» խելոք ու հնազանդ է՞, թե՝ ոչ:
Բայց արի ու տես, որ հանդիպումների ընտրությունն ու աշխարհագրությունը բավականին հետաքրքիր է: Նախագահի թեկնածուն դեռ անգամ խորհրդարանական կուսակցությունների հետ հանդիպումները չավարտած, արդեն երկրորդ բուհն է այցելում:
Մայր բուհում նրա հանդիպումն ավելի վաղ էր կայացել, իսկ երեկ էլ Արմեն Սարգսյանը հանդիպեց Հայ–ռուսական համալսարանի շրջանավարտների ակումբի անդամների հետ: Ըստ պաշտոնական տեղեկությունների, թեև հանդիպման նախաձեռնողը ակումբն է եղել, բայց ուշագրավն այն է, որ թեկնածուն կարծես ավելի է կարևորում երիտասարդների մտքերի, տեսակետների ու տեսլականների հետ ծանոթանալը, քան քաղաքական կուսակցությունների:
Եվ այս ամենը խոսում է միայն մեկ բանի մասին, որ նա երկրի ապագան կապում է ոչ թե կուսակցությունների, այլ՝ երիտասարդների հետ, քանի որ նրանք ոչ միայն նոր գաղափարների, այլև երկրի շարժիչ ուժն են:
Առավել մանրամասն՝ թերթի այսօրվա համարում:
