19.12.2025 | 16:49
Ինձ չեն ստիպել, ես եմ դիմում գրել, դուրս եկել. Աղազարյանի որդին՝ ՔՊ-ից և աշխատանքից դուրս գալու մասին․ ՏԵՍԱՆՅՈՒԹ
Մինչև 100 հազար դրամով տուգանվելու դրույթի դեմ փաստաբանների գործադուլները կշարունակվեն
Հասարակություն
08.02.2018 | 17:27
Փաստաբանների պալատի նախագահ Արա Զոհրաբյանն այսօր Փաստաբանների պալատում կայացած գործադուլ- քննարկմանը հայտարարել է, թե չի բացառվում, որ իրենք դիմեն ՀՀ նախագահին, որպեսզի փաստաբաններին տուգանելու մասին վիճահարույց դրույթը կյանքի չկոչվի։
Զոհրաբյանն այս օրերին հանդիպել է ՀՀԿ-ի, «Ծառուկյան» դաշինքի, այսօր էլ՝ ՀՅԴ-ի հետ: Նա ներկայացրել է փաստաբանների պահանջը՝ չեղարկել առաջին ընթերցմամբ ընդունված օրենքը, որով այսուհետ դատավորները կկարողանան փաստաբաններին տուգանել մինչև 100 հազար դրամով։
Փաստաբանները պատրաստվում են գործադուլի դիմել փետրվարի 14-16-ին։ Նրանց պնդմամբ՝ այդ օրենքի ընդունումը կդառնա մասնագիտական ազատությունը ճնշող գործիք:
Հավելենք, որ ԱԺ-ն այսօր քննարկում էր վիճահարույց դրույթը: Քվեարկությունը, սակայն, կկայանա վաղը:
