12.12.2024 | 22:33
Հայաստանի մի շարք հասցեներում էլեկտրաէներգիայի անջատումներ կլինեն
Մի շարք ծառայությունների սակագներ թանկացել են. «Փաստ»
08.02.2018 | 09:34
«Փաստ» օրաթերթը գրում է.
Հունվարին նախորդ տարվա դեկտեմբերի համեմատ ոչ պարենային ապրանքների շուկայում գրանցվել է 1,5% գնաճ: Այս մասին «Փաստ»–ը տեղեկացավ Ազգային վիճակագրական ծառայությունից:
Այս ժամանակահատվածում հանրապետությունում արձանագրվել է գորգերի և հատակի ծածկերի՝ 0,1%, կահույքի և կահավորանքի՝ 0,5%, կենցաղային սարքերի՝ 0,7%, ապակե ամանեղենի, ճաշասպասքի և տնային կահ–կարասու՝ 1,1%, դեղագործական ապրանքների 1,3% գնաճ:
Հագուստն ու կոշկեղենն էժանացել է: Կոշիկի և հագուստի գները նվազել են համապատասխանաբար 4,7% և 2,7%–ով: 2018–ի հունվարին 2017–ի դեկտեմբերի համեմատ բենզինի, դիզելային վառելիքի և փոխադրամիջոցների լիցքավորման համար գազի գներն աճել են համապատասխանաբար՝ 5,4%, 16,3% և 11,8%–ով, իսկ նախորդ տարվա նույն ամիսների համեմատ՝ 28,7%, 37,3% և 10,9%–ով:
Դիտարկված բոլոր քաղաքներում 2018–ի հունվարին 2017–ի դեկտեմբերի համեմատ արձանագրվել է ոչ պարենային ապրանքների 0,7–3,5% գնաճ: Ի դեպ, գնաճի ամենաբարձր ցուցանիշը գրանցվել է Գավառում, իսկ Երևանում ոչ պարենային ապրանքների գներն աճել են 0,8%–ով:
Առավել մանրամասն՝ թերթի այսօրվա համարում:
